സമൂഹ മാധ്യമങ്ങളിൽ ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ഓടുന്നത്തിന്‍റെ ദൃശ്യങ്ങൾ ഇറാൻ മിസൈൽ ആക്രമണവുമായി ബന്ധപ്പെടുത്തി വ്യാപകമായി പ്രചരിപ്പിക്കുന്നുണ്ട്.
പക്ഷെ പ്രചരണത്തിനെ കുറിച്ച് ഞങ്ങൾ അന്വേഷിച്ചപ്പോൾ ഈ പ്രചരണം തെറ്റാണെന്ന് കണ്ടെത്തി. എന്താണ് ഈ വീഡിയോയുടെ യഥാര്‍ത്ഥ്യം നമുക്ക് നോക്കാം.
പ്രചരണം
മുകളിൽ നൽകിയ പോസ്റ്റിൽ നമുക്ക് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു ഇടനാഴികളിൽ ഓടുന്നതായി കാണാം. ഇറാൻ ഈയിടെ നടത്തിയ മിസൈൽ ആക്രമണത്തിൽ നിന്ന് ഓടി രക്ഷപെടാനുള്ള ശ്രമമാണിത് എന്ന തരത്തിൽ വീഡിയോ പ്രചരിപ്പിക്കുന്നുണ്ട്. പോസ്റ്റിന്‍റെ അടിക്കുറിപ്പ് ഇപ്രകാരമാണ്: “എടാ പ്രേമാ എനിക്ക് ഈ ദേശത്തെ വഴിയൊന്നും അറിയില്ല ടാ..🤣 ഇറാന്‍റെ നൂറു മിസൈൽ വരുന്നതറിഞ്ഞ് കണ്ടം വഴി ഓടുന്ന നെതന്യാഹു…🤣”
എന്നാൽ എന്താണ് നെതന്യാഹു ഇങ്ങനെ ഓടുന്നത് നമുക്ക് അന്വേഷിക്കാം.
വസ്തുത അന്വേഷണം
വീഡിയോയുടെ സ്ക്രീൻഷോട്ടുകൾ ഞങ്ങൾ ഗൂഗിളിൽ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോൾ ഞങ്ങൾക്ക് താഴെ നൽകിയ ഈ X പോസ്റ്റ് ലഭിച്ചു.
کله چی د حماس او حزب الله راکټونه را فیر شی نو غټ کافر او یهود بنیامین نیتانیاهو داسی منډی وهی او ځان تاکاویو ته رسوي الله پاک دا یهودان ختم کړی pic.twitter.com/GqaUmf5G92
— د روسیې او امریکا خبرونه (@Haq_media786) August 26, 2024
മുകളിൽ നൽകിയ പോസ്റ്റിൽ പ്രസ്തുത വീഡിയോയുടെ മിറർ വീഡിയോയാണ്. അന്ന് ഹമാസിന്‍റെ റോക്കറ്റ് ആക്രമണം പേടിച്ച് നെതന്യാഹു ഓടുന്നു എന്ന തരത്തിലായിരുന്നു ഈ വീഡിയോ പ്രചരിപ്പിച്ചിരുന്നത്. ഈ വീഡിയോ ഓഗസ്റ്റ് 26നാണ് പോസ്റ്റ് ചെയ്തത്. പക്ഷെ ഇസ്രായേലിന് നേരെ ഇറാൻ മിസൈൽ ആക്രമണം നടത്തിയത് ഇന്നലെ അതായത് ഒക്ടോബർ 2നാണ്.
ഹമാസ് റോക്കറ്റിനെ പേടിച്ചിട്ടാണ് നെതന്യാഹു ഇങ്ങനെ ഓടുന്നത് എന്ന പ്രചരണവും തെറ്റാണ്. ഈ വീഡിയോ 2021ൽ ബെഞ്ചമിൻ നേതാന്യാഹു സ്വയം ഈ വീഡിയോ അദ്ദേഹത്തിന്‍റെ X അക്കൗണ്ടിൽ പോസ്റ്റ് ചെയ്തിരുന്നു. ആ വീഡിയോ നമുക്ക് താഴെ കാണാം.
אני תמיד גאה לרוץ בשבילכם. 🇮🇱💪🏻
— Benjamin Netanyahu – בנימין נתניהו (@netanyahu) December 13, 2021
צולם לפני חצי שעה בכנסת pic.twitter.com/Tk386NOKU5
വീഡിയോയിലുള്ളത് നെതന്യാഹു ഇസ്രായേൽ പാർലിമെന്റിലേക്ക് ഓടി പോകുന്നത്തിന്‍റെ ദൃശ്യങ്ങളാണ്. ഈ സംഭവത്തിന് ഇറാൻ നടത്തിയ മിസൈൽ ആക്രമണവുമായി യാതൊരു ബന്ധവുമില്ല എന്ന് വ്യക്തമാണ്.
ഈ അന്വേഷണം ഇംഗ്ലീഷിൽ വായിക്കാൻ ഇവിടെ ക്ലിക്ക് ചെയ്യുക.
നിഗമനം
ഇറാൻ മിസൈൽ ആക്രമണത്തിൽ നിന്ന് ബെഞ്ചമിൻ നെതന്യാഹു രക്ഷപെടാൻ ഓടുന്ന ദൃശ്യങ്ങൾ എന്ന തരത്തിൽ പ്രചരിപ്പിക്കുന്നത് പഴയ വീഡിയോ ആണ്. ഈ സംഭവത്തിന് ഇറാൻ മിസൈൽ ആക്രമണവുമായി യാതൊരു ബന്ധവുമില്ല.
