IDF മെമ്മോറിയൽ ഡേ ആചരിക്കുന്ന ദൃശ്യങ്ങൾ ഇറാനിൻ്റെ മിസൈലുകൾ നിന്ന് രക്ഷപ്പെടാൻ ശ്രമിക്കുന്ന ഇസ്രായേലി പട്ടാളക്കാർ എന്ന തരത്തിൽ പ്രചരിപ്പിക്കുന്നു

ഇറാനിൻ്റെ മിസൈലുകളിൽ നിന്ന് രക്ഷപ്പെടാൻ ഇസ്രായേൽ സൈന്യ അധികാരികൾ ബങ്കറിൽ ഒളിക്കുന്ന ദൃശ്യങ്ങൾ എന്ന തരത്തിൽ ഒരു വീഡിയോ സമൂഹ മാധ്യമങ്ങളിൽ പ്രചരിപ്പിക്കുന്നുണ്ട്.

പക്ഷെ ഞങ്ങൾ ഈ വീഡിയോയെ കുറിച്ച് അന്വേഷണം നടത്തിയപ്പോൾ ഈ ദൃശ്യങ്ങൾ പഴയതാണെന്ന് കണ്ടെത്തി. എന്താണ് ഈ വീഡിയോയുടെ യാഥാർഥ്യം നമുക്ക് നോക്കാം.

പ്രചരണം

Facebook

Archived Link

മുകളിൽ നൽകിയ പോസ്റ്റിൽ നമുക്ക് ഒരു വീഡിയോ കാണാം. വീഡിയോയിൽ നമുക്ക് ഇസ്രായേലി പട്ടാളക്കാർ പാട്ട് പാടുന്നതായി  കാണാം. പോസ്റ്റിൻ്റെ അടികുറിപ്പിൽ പറയുന്നത് ഇപ്രകാരമാണ്: 

“ ഇറാനിയൻ മിസൈലുകളെ ഭയന്ന് ഇസ്രയേൽ ഉദ്യോഗസ്ഥരും സൈനികരും ബങ്കറുകളിൽ അഭയം പ്രാപിച്ചു!

Israeli officers and soldiers have taken shelter in bunkers out of fear of Iranian missiles! ”.

എന്നാൽ എന്താണ് ഈ വീഡിയോയുടെ സത്യാവസ്ഥ നമുക്ക് നോക്കാം. 

വസ്തുത അന്വേഷണം

ഞങ്ങൾ വീഡിയോ ഗൂഗിളിൽ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോൾ ഈ വീഡിയോ പഴയതാണെന്ന് കണ്ടെത്തി.ഒരു ഇൻസ്റ്റാഗ്രാം പോസ്റ്റിൽ ഞങ്ങൾക്ക് ഈ വീഡിയോ ലഭിച്ചു. മെയ് 25നാണു ഈ പോസ്റ്റ് ചെയ്തത്. ഇസ്രായേൽ ഇറാനിൽ ആക്രമണം നടത്തിയത് ജൂൺ 12നാണ്. ഇസ്രായേൽ ഇറാനിൻ്റെ ആണവ കേന്ദ്രങ്ങളിൽ ബോംബിട്ടത്തിന് ശേഷമാണ് ഈ യുദ്ധം തുടങ്ങിയത്. 

പോസ്റ്റ് കാണാൻ – Instagram | Archived

മുകളിൽ നൽകിയ പോസ്റ്റ് പോലെ ഇസ്രായേലി ഇൻഫ്ലുൻസർ ഹനായ നഫ്താലിയും ഈ വീഡിയോ പോസ്റ്റ് ചെയ്തിട്ടുണ്ട്. അദ്ദേഹത്തിൻ്റെ പോസ്റ്റിൻ്റെ അടിക്കുറിപ്പ് പ്രകാരം ഈ സൈനികർ യോം ഹസികരോൺ ആചരിക്കുകയാണ്. യോം ഹസികരോൺ ഇസ്രായേലിൽ ഒരു ദേശിയ അവധിയാണ്. ഈ ദിനത്തിൽ ഇസ്രായേലിന് വേണ്ടി മരിച്ച സൈനികരെ ഓർമ്മിക്കുന്നതാണ്. ഇവർ സരിത് ഹദാദ് എന്ന ഇസ്രായേലി ഗായിക പാടിയ പാട്ട് വെൻ ദി ഹാർട്ട് ക്രൈസ് എന്നാണ് പാടുന്നത്. 

Archived Post   

മെയ് 14നാണ് ഈ വീഡിയോ നഫ്താലി പോസ്റ്റ് ചെയ്തിരിക്കുന്നത്. ഈ ദിനം ഇസ്രായേലി മാസം ഇയാറിലാണ് ആഘോഷിക്കുന്നത്. ഈ മാസം ഏപ്രിൽ-മെയിലാണ് ഉണ്ടാവുന്നത്. ഈ വർഷം ഈ ദിനം ഏപ്രിൽ 29 വൈകുനേരം മുതൽ ഏപ്രിൽ 30ൻ്റെ വൈകുനേരം വരെ ആചരിച്ചതാണ്. മെയ് 2ന് ഈ വീഡിയോ യുട്യൂബിൽ പ്രസിദ്ധികരിച്ചതായി ഞങ്ങൾ കണ്ടെത്തി. ഈ വീഡിയോ നിങ്ങൾക്ക് താഴെ കാണാം. 

 Read in Tamil | ஈரான் தாக்குதலுக்கு பயந்து இஸ்ரேலிய ராணுவ வீரர்கள் பதுங்கு குழிகளில் தஞ்சம் புகுந்தனரா?

നിഗമനം

ഇറാനിൻ്റെ മിസൈലുകളിൽ നിന്ന് രക്ഷപ്പെടാൻ ഇസ്രായേൽ സൈന്യ അധികാരികൾ ബങ്കറിൽ ഒളിക്കുന്ന ദൃശ്യങ്ങൾ എന്ന തരത്തിൽ പ്രചരിപ്പിക്കുന്നത് പഴയ വിഡിയോയാണ്. ഈ വീഡിയോയ്ക്ക് ഈയിടെ ഇസ്രയേലും ഇറാനും തമ്മിൽ നടന്ന യുദ്ധവുമായി ബന്ധമില്ല.  

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:

Facebook | Twitter | Instagram | Telegram | WhatsApp (9049053770)