ഭക്ഷണ ആവശ്യത്തിനായി പാകിസ്ഥാനില്‍ പള്ളി പൊളിച്ചു വില്‍ക്കുന്നു—പ്രചരിക്കുന്ന വീഡിയോയുടെ യാഥാര്‍ത്ഥ്യം ഇതാണ്…

പാകിസ്ഥാനിലെ അഹമ്മദിയ പള്ളികൾ നശിപ്പിക്കുന്നതിന്റെ ദൃശ്യങ്ങൾ, ഇരുമ്പും ഇഷ്ടികയും വിൽക്കാൻ വേണ്ടി പാകിസ്ഥാനികൾ പള്ളികൾ നശിപ്പിക്കുന്നതായി പ്രചരിപ്പിക്കുന്നു. 

കറാച്ചിയിലെ ജനങ്ങൾ ഇരുമ്പിനും ഇഷ്ടികയ്ക്കും വേണ്ടി ഒരു പള്ളി നശിപ്പിച്ചുവെന്ന് അവകാശപ്പെട്ട് ഒരു വീഡിയോ പ്രചരിക്കുന്നുണ്ട്.

പ്രചരണം 

മുസ്ലിം പള്ളി പോലെ തോന്നിക്കുന്ന ഒരു ഘടനയുടെ മിനാരങ്ങളിൽ ഏതാനും പുരുഷന്മാർ തകര്‍ക്കുന്ന വീഡിയോ ആണ് പ്രചരിക്കുന്നത്.  പാകിസ്ഥാനിലെ സമീപകാല സാമ്പത്തിക പ്രതിസന്ധിയാണ് ആളുകൾ ഇത്തരം തീവ്രമായ നടപടികൾ സ്വീകരിക്കുന്നതിന് പിന്നിലെ കാരണമെന്ന് സൂചിപ്പിച്ച് ഒപ്പമുള്ള വിവരണം ഇങ്ങനെ: “*പാകിസ്ഥാനിൽ ആളുകൾ ഒരു പള്ളി പൊളിച്ചുമാറ്റി, അതിലെ ഇരുമ്പും ഇഷ്ടികയും ഭക്ഷണത്തിനായി വിൽക്കുന്നു.* *അടുത്തിടെ തകർക്കപ്പെടുന്ന മൂന്നാമത്തെ പള്ളിയാണിത്. “അല്ലാഹുവിന് നമുക്ക് ഭക്ഷണം നൽകാൻ കഴിയുന്നില്ലെങ്കിൽ, പള്ളികളുടെ ആവശ്യകത എന്താണ്?” എന്ന് അവർ ചോദിക്കുന്നു. ഒരുകാലത്ത് അല്ലാഹു മാത്രമാണ് വലിയവൻ എന്ന് അവകാശപ്പെട്ടുകൊണ്ട് ക്ഷേത്രങ്ങൾ നശിപ്പിച്ച ഒരു സമൂഹം ഇപ്പോൾ അല്ലാഹുവിന്റെ സ്വന്തം ആരാധനാലയങ്ങൾ തകർക്കുകയാണ്.കർമ്മ നിയമമനുസരിച്ച്, നിങ്ങൾ ചെയ്യുന്ന പാപങ്ങൾക്ക് അവ എങ്ങനെ ചെയ്തുവോ അതേ രീതിയിൽ തന്നെ പ്രതിഫലം നൽകണം. ഇപ്പോൾ, വേദ ധർമ്മത്തിന്റെ അർത്ഥം വ്യക്തമായി.*”

FB post

archived link

പോസ്റ്റിൽ ഉന്നയിക്കുന്ന അവകാശവാദം നമുക്ക് പരിശോധിക്കാം.

എന്നാല്‍ തെറ്റിദ്ധരിപ്പിക്കുന്ന അവകാശ വാദമാണ് ഇതെന്നും അഹമ്മദിയ വിഭാഗത്തില്‍ പെട്ട പള്ളി മറ്റൊരു സംഘടനയിലെ അംഗങ്ങള്‍ പൊളിക്കുന്ന ദൃശ്യങ്ങളാണിതെന്നും അന്വേഷണത്തില്‍ ഞങ്ങള്‍ കണ്ടെത്തി. 

വസ്തുത ഇങ്ങനെ 

വീഡിയോയെക്കുറിച്ച് കൂടുതലറിയാൻ, ഞങ്ങൾ കീവേര്‍ഡ്സ് ഉപയോഗിച്ച് തിരഞ്ഞപ്പോള്‍ വീഡിയോയുടെ അതേ ദൃശ്യങ്ങൾ ഉൾപ്പെടുത്തി 2023 ഫെബ്രുവരി മൂന്നിന് പ്രസിദ്ധീകരിച്ച ചില വാർത്താ ലേഖനങ്ങള്‍ ലഭിച്ചു. പാകിസ്ഥാൻ ഗ്രൂപ്പായ തെഹ്രീക്-ഇ-ലബ്ബായിക്കിലെ ചില അംഗങ്ങൾ കറാച്ചിയിലെ സദ്ദാറിൽ ഒരു പള്ളി തകർത്തതായാണ് ANI ന്യൂസ് റിപ്പോര്‍ട്ട്. 

“പാകിസ്ഥാനിലെ അഹമ്മദിയ മുസ്ലീങ്ങൾക്കെതിരായ വിദ്വേഷത്തിന്‍റെ മറ്റൊരു സംഭവമായി, വെള്ളിയാഴ്ച അജ്ഞാതരായ അക്രമികൾ കറാച്ചിയിൽ അവരുടെ ആരാധനാലയം തകര്‍ത്തു. ഹെൽമെറ്റ് ധരിച്ച അജ്ഞാതർ കറാച്ചിയിലെ സദ്ദറിലെ അഹമ്മദി മസ്ജിദിന്റെ മിനാരങ്ങൾ തകർത്ത് രക്ഷപ്പെടുന്നത് കാണാം. പോലീസും സ്ഥലത്തുണ്ടായിരുന്നു, പ്രാദേശിക വിവരണങ്ങൾ പ്രകാരം, ആക്രമണകാരികൾ പാകിസ്ഥാന്‍റെ ഇസ്ലാമിക രാഷ്ട്രീയ പാർട്ടിയായ തെഹ്രീക്-ഇ-ലബ്ബൈക് പാകിസ്ഥാൻ (TLP) നിൽ നിന്നുള്ളവരായിരുന്നു. ഒരു മാസത്തിനുള്ളിൽ ഇത് രണ്ടാമത്തെ സംഭവമാണ്, നേരത്തെ കറാച്ചിയിലെ ജംഷഡ് റോഡിലുള്ള അഹമ്മദി ജമാഅത്ത് ഖാത്തയുടെ മിനാരങ്ങൾ പൊളിച്ചുമാറ്റിയിരുന്നു.”

പാകിസ്ഥാനിൽ പീഡനം നേരിടുന്ന അഹ്മദിയകൾ എന്നറിയപ്പെടുന്ന ഒരു മതവിഭാഗത്തിൽ പെട്ടവരുടെതാണ് ഈ പള്ളികൾ. ‘തീവ്ര മുസ്ലീം പുരോഹിതന്മാർ’ ഈ സമുദായത്തെ മതഭ്രാന്തന്മാരായി കണക്കാക്കുന്നതായി റിപ്പോർട്ടുണ്ട്. പാകിസ്ഥാനിൽ ഏകദേശം 2-5 ദശലക്ഷം അഹ്മദികളുണ്ടെന്ന് ANI ന്യൂസ് റിപ്പോർട്ട് ചെയ്യുന്നു.  പാകിസ്ഥാനിലെ സാമ്പത്തിക പ്രതിസന്ധി മൂലം പള്ളി നശിപ്പിക്കുകയാണ് എന്ന അവകാശവാദം തെറ്റാണ്, സാമുദായിക പ്രശങ്ങള്‍ മാത്രമാണ് ആക്രമണത്തിന് പിന്നിലുള്ളത്. 

പല വാര്‍ത്താ  മാധ്യമങ്ങളും സമാന റിപ്പോര്‍ട്ട് നല്‍കിയിരുന്നു. ഈ സംഭവം 2023 ഫെബ്രുവരി മാസത്തിലാണ്. സമീപകാലത്തല്ല. 

നിഗമനം 

സാമ്പത്തിക പ്രതിസന്ധിക്കിടയിൽ ഇരുമ്പിനും ഇഷ്ടികയ്ക്കും വേണ്ടി പാകിസ്ഥാനികൾ പള്ളികൾ നശിപ്പിക്കുന്നതായി പാകിസ്ഥാനിലെ അഹമ്മദിയ പള്ളികൾ നശിപ്പിക്കുന്നതായി പഴയ ദൃശ്യങ്ങള്‍ തെറ്റായി പ്രചരിപ്പിക്കുകയാണ്. 

ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

വ്യാജ വാര്‍ത്തയ്ക്കെതിരെയുള്ള പോരാട്ടത്തില്‍ ഞങ്ങളോടൊപ്പം ചേരൂ:

Facebook | Twitter | Instagram | WhatsApp (9049053770)