പാകിസ്ഥാനിൽ ഇന്ത്യൻ ആർമി നടത്തിയ ആക്രമണത്തിൻ്റെ  ദൃശ്യങ്ങൾ എന്ന തരത്തിൽ പ്രചരിപ്പിക്കുന്നത് പഴയ വീഡിയോ 

പാകിസ്ഥാനിൽ ഇന്ത്യൻ ആർമി നടത്തിയ ആക്രമണത്തിൻ്റെ  ദൃശ്യങ്ങൾ എന്ന തരത്തിൽ ഒരു വീഡിയോ സമൂഹ മാധ്യമങ്ങളിൽ പ്രചരിപ്പിക്കുന്നുണ്ട്.

പക്ഷെ ഈ വീഡിയോയെ കുറിച്ച് ഞങ്ങൾ അന്വേഷിച്ചപ്പോൾ ഈ വീഡിയോ വെച്ച് നടത്തുന്ന പ്രചരണം തെറ്റാണെന്ന് കണ്ടെത്തി. എന്താണ് ഈ വീഡിയോയിൽ കാണുന്ന സംഭവത്തിൻ്റെ യാഥാർഥ്യം നമുക്ക് നോക്കാം.

പ്രചരണം

Facebook

Archived Link

മുകളിൽ നൽകിയ പോസ്റ്റിൽ നമുക്ക് ഒരു വീഡിയോ കാണാം. വീഡിയോയിൽ  ഒരു മാർക്കറ്റിൽ തീ പിടിച്ചതിൻ്റെ ദൃശ്യങ്ങൾ  നമുക്ക് കാണാം. പോസ്റ്റിൻ്റെ അടികുറിപ്പിൽ വീഡിയോയെ കുറിച്ച് പറയുന്നത് ഇപ്രകാരമാണ്: “പാകിസ്ഥാനിൽ ഇന്ത്യൻ സൈന്യം ആറാടിയ ഏറ്റവും പുതിയ വീഡിയോ 🇮🇳❤️❤️❤️ ” 

എന്നാൽ എന്താണ് ഈ വീഡിയോയിൽ കാണുന്ന സംഭവത്തിൻ്റെ  സത്യാവസ്ഥ നമുക്ക് നോക്കാം. 

വസ്തുത അന്വേഷണം

വീഡിയോയുടെ സ്ക്രീൻഷോട്ടുകൾ ഗൂഗിളിൽ റിവേഴ്സ് അന്വേഷണം നടത്തി പരിശോധിച്ചപ്പോൾ ഈ വീഡിയോ പഴയതാണെന്ന്  കണ്ടെത്തി. ഈ വീഡിയോ റ്റിക്റ്റോക്കിൽ 27 മാർച്ച് 2025ന്   പ്രസിദ്ധികരിച്ചതായി കണ്ടെത്തി.

വീഡിയോ കാണാൻ – Tiktok | Archived

ഈ വീഡിയോ എപ്പോഴാണ് പോസ്റ്റ് ചെയ്തത് എന്ന് അറിയാൻ ഞങ്ങൾ റ്റിക്റ്റോക് ഡേറ്റ് എക്സ്ട്രാക്ടർ എന്ന വെബ്സൈറ്റ് ഉപയോഗിച്ച് കണ്ടെത്തി. 27 മാർച്ച് 2025നാണ് ഈ വീഡിയോ പോസ്റ്റ് ചെയ്തത്.

 പഹൽഗാമിൽ ഭീകരാക്രമണം നടന്നത് 22 ഏപ്രിലാണ് ഇതിനെ തുടർന്ന് ഇന്ത്യൻ ആർമി പാകിസ്ഥാനിൽ പ്രവർത്തിക്കുന്ന തീവ്രവാദ കേന്ദ്രങ്ങളെ കേന്ദ്രികരിച്ച് നടത്തിയ സൈന്യ നടപടി ഓപ്പറേഷൻ സിന്ദൂർ ഉണ്ടായത് 6-7 മെയ്‌നാണ്. അങ്ങനെ ഈ വീഡിയോയ്ക്ക് ഓപ്പറേഷൻ സിന്ദൂരുമായി യാതൊരു ബന്ധവുമില്ല എന്ന് വ്യക്തമാകുന്നു. 

നിഗമനം

പാകിസ്ഥാനിൽ ഇന്ത്യൻ ആർമി നടത്തിയ ആക്രമണത്തിൻ്റെ  ദൃശ്യങ്ങൾ എന്ന തരത്തിൽ പ്രചരിപ്പിക്കുന്നത് പാകിസ്ഥാനിൽ നടന്ന ഒരു തീപിടിതത്തിൻ്റെ പഴയ ദൃശ്യങ്ങളാണെന്ന് അന്വേഷണത്തിൽ നിന്ന് വ്യക്തമാകുന്നു.  

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:

Facebook | Twitter | Instagram | Telegram | WhatsApp (9049053770)