ഇന്ത്യൻ ആർമി ആർട്ടിലറി ഫൈറിങ് നടത്തുന്ന ഈ ദൃശ്യങ്ങൾ പഴയതാണ്         

പഹൽഗാം ഭീകരാക്രമണത്തിനെ തുടർന്ന് ഇന്ത്യൻ ആർമി പ്രതികാരത്തിൽ ആർട്ടിലറി ഫൈറിങ് നടത്തുന്ന ദൃശ്യങ്ങൾ  എന്ന തരത്തിൽ സമൂഹ മാധ്യമങ്ങളിൽ ഒരു വീഡിയോ പ്രചരിപ്പിക്കുന്നുണ്ട്. 

പക്ഷെ വീഡിയോയെ കുറിച്ച് ഞങ്ങൾ അന്വേഷിച്ചപ്പോൾ ഈ പ്രചരണം തെറ്റാണെന്ന് കണ്ടെത്തി. എന്താണ് യാഥാർഥ്യം നമുക്ക് നോക്കാം.

പ്രചരണം

Facebook

Archived Link

മുകളിൽ നൽകിയ പോസ്റ്റിൽ നമുക്ക് ഒരു വീഡിയോ കാണാം. വിഡിയോയിൽ ഇന്ത്യൻ സൈന്യം ആർട്ടിലറി ഫൈറിങ് നടത്തുന്നതായി നമുക്ക് കാണാം.  വീഡിയോയെ കുറിച്ച് പോസ്റ്റിൻ്റെ അടികുറിപ്പിൽ പറയുന്നത് ഇങ്ങനെയാണ്: 

“ഇന്ത്യൻ ആർമി പണി തുടങ്ങി കാശ്മീർ അതിർത്തിയിൽ ശക്തമായ ഷെലിങ് .”  

എന്നാൽ എന്താണ് ഈ പ്രചരണത്തിൻ്റെ യാഥാർഥ്യം നമുക്ക് നോക്കാം. 

വസ്തുത അന്വേഷണം

ഞങ്ങൾ വീഡിയോയെ കുറിച്ച് കൂടുതൽ അറിയാൻ ഗൂഗിളിൽ വീഡിയോയുടെ ചില സ്ക്രീൻഷോട്ടുകൾ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോൾ ഞങ്ങൾക്ക് ഈ വീഡിയോ 15 ഏപ്രിൽ 2020ന് ഫേസ്‌ബുക്കിൽ പോസ്റ്റ് ചെയ്തതായി കണ്ടെത്തി.

പോസ്റ്റ് കാണാൻ – Facebook 

IAF Garud എന്ന ഫേസ്‌ബുക്ക് പേജാണ് ഈ വീഡിയോ പോസ്റ്റ് ചെയ്തിരിക്കുന്നത്. ഈ പോസ്റ്റിൻ്റെ അടികുറിപ്പിൽ വീഡിയോയെ കുറിച്ച് കൂടുതൽ വിവരം നൽകിയിട്ടില്ല.  

ഈ വീഡിയോ റിപ്പബ്ലിക്ക് ടി.വി. അവരുടെ ഒരു വാർത്തയിൽ ഉപയോഗിച്ചിട്ടുണ്ട്. ഈ വാർത്ത പ്രകാരം ഈ വീഡിയോ ജമ്മു കാശ്മീരിലെ പൂഞ്ച് സെക്ടരിലേതാണ്. പക്ഷെ ഈ വീഡിയോ റിപ്പബ്ലിക്ക് പ്രസിദ്ധികരിച്ചിരിക്കുന്നത് ജൂൺ 14, 2020നാണ്. അതായത് ഫേസ്‌ബുക്ക് പേജ് IAF Garud ഇത് പ്രസിദ്ധികരിച്ചതിന് 3 മാസം ശേഷമാണ്. അതിനാൽ ഈ വീഡിയോ എവിടെയിൽ നിന്നാണ് എപ്പോഴാണ് എടുത്തത് എന്ന് സ്ഥിരീകരിക്കാൻ സാധിച്ചില്ല. റിപ്പബ്ലിക്ക് പ്രസിദ്ധികരിച്ച വാർത്ത നിങ്ങൾക്ക് താഴെ കാണാം.

Archived Link

നിഗമനം

ഇന്ത്യൻ ആർമി പഹൽഗാമിൽ തീവ്രവാദ ആക്രമണത്തിനെ പ്രതികാരാത്മക നടപടിയിൽ ആർട്ടിലറി ഫൈറിങ് നടത്തുന്നത്തിൻ്റെ ദൃശ്യങ്ങൾ എന്ന തരത്തിൽ പ്രചരിപ്പിക്കുന്ന വീഡിയോ പഴയതാണ്. 2020 മുതൽ ഈ വീഡിയോ ഇൻറ്റർനെറ്റിൽ ലഭ്യമാണ്..  

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:

Facebook | Twitter | Instagram | Telegram | WhatsApp (9049053770)