രണ്ട് സൈഡില്‍ ടാര്‍ ഇട്ടിട്ട് നടുവില്‍ ഒന്നും ഇടാതെ നിര്‍മിച്ച ഒരു റോഡിന്‍റെ ചിത്രം സമൂഹ മാധ്യമങ്ങളില്‍ വ്യാപകമായി പ്രചരിപ്പിക്കുന്നുണ്ട്.
പക്ഷെ ഈ റോഡിനെ കുറിച്ച് ഞങ്ങള്‍ അന്വേഷിച്ചപ്പോള്‍ ഈ റോഡ് കേരളത്തിലെതല്ല എന്ന് കണ്ടെത്തി. എവിടെയാണ് ഈ റോഡ് സ്ഥിതി ചെയ്യുന്നത് നമുക്ക് അന്വേഷിക്കാം.
പ്രചരണം
മുകളില്‍ നല്‍കിയ പോസ്റ്റില്‍ നമുക്ക് ഒരു വിചിത്രമായ റോഡിന്‍റെ ചിത്രം കാണാം. ഈ റോഡിന്‍റെ പ്രത്യേകത പറഞ്ഞാല്‍ നടക്കില്‍ ടാര്‍ ഇടാതെ രണ്ട് സൈഡുകല്‍ മാത്രമേ ടാറിംഗ് നടത്തിയിട്ടുള്ളൂ. ഈ റോഡ് കേരളത്തിലെ റോഡാണ് എന്നവകാശപ്പെട്ട് പോസ്റ്റിന്‍റെ അടികുറിപ്പില്‍ പരിഹാസ്യപൂ൪ണമായി എഴുതിയിരിക്കുന്നത് ഇങ്ങനെയാണ്:
“’Room for River’ നു ശേഷം ഞങ്ങളവതരിപ്പിക്കുന്നൂ…#TarForTyre
#KRail നടപ്പിലാക്കിയില്ലെങ്കിലെന്താ #kroad നടപ്പിലാക്കിയില്ലേ…❤
പിണുങ്ങാണ്ടി ക്യൂബയിൽ നിന്ന് ഇറക്കിയ സാങ്കേതിക വിദ്യയാണ്
‘ടാർ ഫോർ ടയർ technology.’.
കൃത്യം രണ്ട് ടയറുകൾക്ക് മാത്രമേ ടാറിന്റെ ആവശ്യമുള്ളൂ, മറ്റുഭാഗത്തെ ടാറിംഗ് അനാവശ്യ ചിലവാണെന്ന ക്യൂബൻ ചിന്തയിൽ നിന്ന് സാക്ഷാത്കരിക്കപ്പെട്ട K റോഡ് 💪”
എന്നാല്‍ ഈ റോഡിന്‍റെ യഥാര്‍ത്ഥ്യം എന്താണെന്ന് നമുക്ക് അന്വേഷിക്കാം.
വസ്തുത അന്വേഷണം
ചിത്രത്തിനെ ഗൂഗിളില്‍ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോള്‍ ഞങ്ങള്‍ക്ക് ബള്‍ഗേറിയയിലെ ഒരു വെബ്സൈറ്റില്‍ ഈ റോഡിനെ കുറിച്ചുള്ള റിപ്പോര്‍ട്ട്‌ ലഭിച്ചു. ഈ റോഡ് ബള്‍ഗേറിയയിലെ ദ്രാഗാലെവ്റ്റ്സി (Dragalevtsi) എന്ന നഗരത്തിലെതാണ് എന്ന് റിപ്പോര്‍ട്ടില്‍ വ്യക്താക്കുന്നു.
വാര്‍ത്ത വായിക്കാന്‍ – BTV | Archived Link
വാര്‍ത്ത പ്രകാരം ഈ റോഡില്‍ റെയില്‍വേ ട്രാക്കിനെ പോലെയാണ് റോഡ് ഉണ്ടാക്കുന്ന പണിക്കാര്‍ ടാര്‍ ഇട്ടത്. കുടാതെ കൈയോടെ കുത്തിയാല്‍ റോഡിന്‍റെ മേലെ ഇട്ട ടാര്‍ പൊളിയുന്നു എന്നും സ്ഥാനികര്‍ അറിയിക്കുന്നു. എന്തിനാണ് ഈ റോഡ് ഇങ്ങനെ ഉണ്ടാക്കിയത് എന്ന് ആര്‍ക്കും അറിയില്ല. ഇതേ വിവരം മറ്റേ ബള്‍ഗേറിയന്‍ മാധ്യമങ്ങളും റിപ്പോര്‍ട്ട്‌ ചെയ്തിട്ടുണ്ട്.
വാര്‍ത്ത വായിക്കാന്‍ – iNews | Archived Link
ഈ ഫാക്റ്റ് ചെക്ക്‌ തമിഴില്‍ വായിക്കാന്‍ താഴെ നല്‍കിയ ലിങ്ക് ഉപയോഗിക്കുക:
നിഗമനം
കേരളത്തിന്‍റെ പേരില്‍ പ്രചരിപ്പിക്കുന്ന റോഡിന്‍റെ ഫോട്ടോ യഥാര്‍ത്ഥത്തില്‍ ബള്‍ഗേറിയയിലെതാണ് എന്ന് അന്വേഷണത്തില്‍ നിന്ന് വ്യക്തമാകുന്നു.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.
ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:
Facebook | Twitter | Instagram | Telegram | WhatsApp (9049053770)
Title:കേരളത്തിലെ റോഡിന്‍റെ ദുരവസ്ഥ എന്ന തരത്തില്‍ പ്രചരിപ്പിക്കുന്ന ഈ ചിത്രം കേരളത്തിലെതല്ല; സത്യാവസ്ഥ അറിയൂ…
Written By: K. MukundanResult: False
