മലയാളി യുവതിയെ അഫ്ഘാനിസ്ഥാനിൽ മർദിക്കുന്നു എന്ന തരത്തിൽ പ്രചരിപ്പിക്കുന്നത് സിറിയയിലെ വീഡിയോ
സമൂഹ മാധ്യമങ്ങളില്‍ ഒരു സ്ത്രിയ ക്രൂരമായി മര്‍ദിക്കുന്ന വീഡിയോ പ്രചരിപ്പിക്കുന്നുണ്ട്. മര്‍ദനം ഏല്‍ക്കുന്ന സ്ത്രി അബ്ദുല്‍ എന്ന വ്യക്തിയെ വിവാഹം കഴിച്ച് അഫ്ഘാനിസ്ഥാനില്‍ പോയ മലയാളിയാണ് എന്നാണ് പ്രചരണം.
പക്ഷെ പ്രചരണത്തിനെ കുറിച്ച് ഞങ്ങൾ അന്വേഷിച്ചപ്പോൾ ഈ പ്രചരണം തെറ്റാണെന്ന് കണ്ടെത്തി. എന്താണ് ഈ വീഡിയോയുടെ യഥാര്‍ത്ഥ്യം നമുക്ക് നോക്കാം.
പ്രചരണം
മുകളിൽ നൽകിയ പോസ്റ്റിൽ നമുക്ക് ഒരു സ്ത്രിയെ ചിലര്‍ ക്രൂരമായി മര്‍ദിക്കുന്നതായി കാണാം. ഈ വീഡിയോയെ കുറിച്ച് പോസ്റ്റിന്‍റെ അടികുറിപ്പില്‍ പറയുന്നത് ഇങ്ങനെയാണ്: “ഈ പ്രിയതമ കേരളത്തിൽ നിന്നുള്ളതായിരുന്നു * അവളുടെ മാതാപിതാക്കളുടെ ഏക മകളായിരുന്നു അവൾ * അവളുടെ അബ്ദുൾ വളരെ മധുരനായിരുന്നു, അവൾ അവൻ്റെ കൂടെ ഒളിച്ചോടി വിവാഹം കഴിച്ചു...*... *അബ്‌ദുൽ അവരുടെ മാതാപിതാക്കളെ റോഡപകടത്തിൽ കൊന്നു* സ്വത്തെല്ലാം കൈക്കലാക്കി *അബ്‌ദുൽ 6 മാസം ഒരുപാട് ഉല്ലസിച്ചു, എന്നിട്ട് അവരെ അഫ്ഗാനിസ്ഥാനിലേക്ക് അയച്ചു...*... *ഒരു തെണ്ടിയെപ്പോലെ, ദിവസവും 5-6 പേർ അവളെ ചൊറിയുന്നു*, വിസമ്മതിച്ചാൽ, അവളെ ഇങ്ങനെ തല്ലുന്നു *നിങ്ങളുടെ എല്ലാ അബ്ദുൾ സ്നേഹികൾക്കും വീഡിയോ 📽️ അയക്കൂ!!!!!!👆😡👆😡*. *പാമ്പിൽ നിന്ന് 2 അടി ദൂരവും ജിഹാദി മുല്ലകളിൽ നിന്ന് 200 അടി ദൂരവും ഹിന്ദു പെൺകുട്ടികൾക്ക് വളരെ പ്രധാനമാണ്..* 🙄”
എന്നാല്‍ എന്താണ് ഈ സംഭവത്തിന്‍റെ സത്യാവസ്ഥ നമുക്ക് അന്വേഷിക്കാം.
വസ്തുത അന്വേഷണം
വീഡിയോയില്‍ കാണുന്ന സംഭവവുമായി ബന്ധപെട്ട കീ വേര്‍ഡ്‌ ഉപയോഗിച്ച് ഗൂഗിളില്‍ അന്വേഷിച്ചപ്പോള്‍ ഞങ്ങള്‍ക്ക് ഒരു അറബി മാധ്യമ വെബ്സൈറ്റില്‍ ഈ സംഭവത്തെ കുറിച്ച് ഒരു വാര്‍ത്ത കണ്ടെത്തി. വാര്‍ത്ത പ്രകാരം ഈ സംഭവം സിറിയയിലെ റാക്ക എന്ന സ്ഥലത്തില്‍ നടന്നതാണ്. വീഡിയോയില്‍ കാണുന്നവര്‍ ഒരേ കുടുംബത്തിലെ അംഗങ്ങളാണ്.
വാര്‍ത്ത വായിക്കാന്‍ - Alhurra | Archived
വീഡിയോയില്‍ സ്ത്രിയെ മര്‍ദിക്കുന്നത് അവരുടെ സഹോദരന്മാരാണ്. ഇവര്‍ ആ സ്ത്രി വിവാഹത്തിനു മുമ്പ് ഗര്‍ഭണിയായി എന്ന് കരുതി അവരെ മര്‍ദിച്ചു. ഈ സംഭവത്തിന്‍റെ വീഡിയോ വൈറല്‍ ആയ ശേഷം ഈ ആക്രമികളെ പോലീസ് അറസ്റ്റ് ചെയ്തിരുന്നു.
സിറിയയിലെ മറ്റ് പല മാധ്യമങ്ങളും ഈ വാര്‍ത്ത പ്രസിദ്ധികരിച്ചിട്ടുണ്ട്. ഈ സംഭവം റാക്ക പ്രദേശത്തിലെ താള്‍ അല്‍ സമാന്‍ എന്ന നഗരത്തിലാണ് സംഭാവിച്ചത്. ദമാ പോസ്റ്റ്‌ അനുസരിച്ച് ഈ സ്ത്രിയുടെ പേര് ലീന എന്നാണ്. ഈ സ്ത്രിയെ ക്രൂരമായി മര്‍ദിച്ചത് ഈ സ്ത്രിയുടെ മുന്ന് സഹോദരന്മാരും അനന്തരവനുമായിരുന്നു. ഈ നാലു പേര് ചേർന്നാണ്‌ ലീനയെയും അവരുടെ ഒരു സഹോദരിയെയും മര്‍ദിച്ചത്. ജനങ്ങള്‍ ഇടപെട്ട് ഇവരെ രക്ഷിച്ച ശേഷം വൈദ്യപരിശോധന നടത്തി ഈ രണ്ട് പെണ്‍കുട്ടികള്‍ കന്യകമാരാണ് എന്ന് സ്ഥിരികരിച്ചു.
വാര്‍ത്ത വായിക്കാന്‍ - Dama Post | Archived
മലയാളി പെണ്‍കുട്ടിയെ ഭര്‍ത്താവ് അബ്ദുല്‍ അഫ്ഘാനിസ്ഥാനില്‍ മര്‍ദിക്കുന്നത്തിന്‍റെ ദൃശ്യങ്ങള്‍.
മലയാളി പെണ്‍കുട്ടിയെ ഭര്‍ത്താവ് അബ്ദുല്‍ അഫ്ഘാനിസ്ഥാനില്‍ മര്‍ദിക്കുന്ന ദൃശ്യങ്ങള്‍ എന്ന തരത്തില്‍ പ്രചരിപ്പിക്കുന്നത് സിറിയയില്‍ രണ്ട് സഹോദരികളെ അവരുടെ സഹോദരന്മാര്‍ മര്‍ദിക്കുന്നത്തിന്‍റെ ദൃശ്യങ്ങള്‍ ആണ്.
