വിവരണം
മോദിയില്‍ ഞാന്‍ എന്‍റെ അച്ഛനെ കാണുന്നു എന്ന് വീരപ്പന്‍റെ മകള്‍ പറഞ്ഞു.. എന്ന തരത്തില്‍ ഒരു സ്ക്രീന്‍ഷോട്ട് സമൂഹമാധ്യമത്തിലൂടെ വ്യാപകമായി പ്രചരിക്കുന്നുണ്ട്. വനം കൊള്ളക്കാരനായ വീരപ്പനുമായി മോദിയെ പരോക്ഷമായി താരതമ്യം ചെയ്താണ് പോസ്റ്റ് പങ്കുവെച്ചിരിക്കുന്നത്. തിങ്ക് ഓവര്‍ കേരള 3.0 എന്ന ഗ്രൂപ്പില്‍ എന്ന ഗ്രൂപ്പില്‍ രാജഗോപാലന്‍ കപ്പട്ടുമ്മല്‍ എന്ന വ്യക്തി പങ്കുവെച്ച പോസ്റ്റിന് 584ല്‍ അധികം ഫിയാക്ഷനുകളും 38ല്‍ അധികം ഷെയറുകളും ലഭിച്ചിട്ടുണ്ട്-
എന്നാല്‍ യഥാര്‍ത്ഥത്തില്‍ വീരപ്പന്‍റെ മകള്‍ ഇത്തരമൊരു പ്രസ്താവന നടത്തിയിട്ടുണ്ടോ? എന്താണ് വസ്‌തുത എന്ന് പരിശോധിക്കാം.
വസ്‌തുത ഇതാണ്
ഫാക്‌ട് ക്രെസെന്‍ഡോ തിമിഴിന്‍റെ സഹായത്തോടെ നടത്തിയ അന്വേഷണത്തില്‍ നിന്നും വീരപ്പന്‍റെ മകളും അഭിഭാഷകയുമായ വിദ്യ റാണി വീരപ്പനുമായി ബന്ധപ്പെട്ട് പ്രചരണത്തെ കുറിച്ച് അന്വേഷിച്ചു. നിലവില്‍ തമിഴ്‌നാട് യുവ മോര്‍ച്ച സംസ്ഥാന വൈസ് പ്രസിഡന്‍റ് സ്ഥാനം വഹിക്കുകയാണ് വിദ്യ. രാജ്യത്തിന്‍റെ വികസനത്തിനായി മോദി എന്ന നേതാവിന്‍റെ അര്‍പ്പണബോധവും ദീര്‍ഘവീക്ഷണവുമാണ് തനിക്ക് പ്രചോദനമായതെന്നാണ് താന്‍ പറഞ്ഞതെന്നാണ് വിദ്യ നല്‍കിയ മറുപടി. അല്ലാതെ തന്‍റെ പിതാവുമായി മോദിയെ താരതമ്യപ്പെടുത്തി സംസാപിത്തിട്ടില്ലായെന്നും അവര്‍ പറഞ്ഞു.
വിദ്യാ റാണി വീരപ്പന്‍ യുവ മോര്‍ച്ച വൈസ് പ്രസിഡന്‍റ് ആയി ചുമതലയേറ്റ ശേഷം ഫെബ്രുവരി 26ന് ഇന്ത്യാഗ്ലിറ്റ്‌സ് നല്‍കിയ വാര്‍ത്തയിലും ഇതെ പരാമര്‍ശം വിദ്യ നടത്തിയതായി കണ്ടെത്താന്‍ കഴിഞ്ഞു. മോദിയുടെ ദീര്‍ഘവീക്ഷണമാണ് തന്നെ രാഷ്ട്രീയത്തിലേക്ക് നയിച്ചതെന്നാണ് വിദ്യ പറഞ്ഞത്.
ഇന്ത്യാഗ്ലിറ്റ്‌സ് വാര്‍ത്തയുടെ പ്രസക്ത ഭാഗം (സ്ക്രീന്‍ഷോട്ട്)-
നിഗമനം
രാജ്യത്തിന്‍റെ വികസനത്തിനും ഉന്നമനത്തിനുമായി മോദിയുടെ ദീര്‍ഘവീക്ഷണമാണ് തനിക്ക് പ്രചോദനമായതെന്നാണ് വീരപ്പന്‍റെ മകള്‍ വിദ്യ റാണി വീരപ്പന്‍ പറഞ്ഞ വാക്കുകള്‍. തന്‍റെ പിതാവുമായി താരതമ്യപ്പെടുത്തി ഒരു പ്രസ്താവന നടത്തിയിട്ടില്ലായെന്നും വ്യക്തം. അതുകൊണ്ട് തന്നെ പ്രചരണം തെറ്റ്ദ്ധരിപ്പിക്കുന്നതാണെന്ന് അനുമാനിക്കാം.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.
Title:വനം കൊള്ളക്കാരനായ വീരപ്പനുമായി മോദിയെ താരതമ്യപ്പെടുത്തി വീരപ്പന്‍റെ മകള്‍ ഇത്തരമൊരു പ്രസ്താവന നടത്തിയിട്ടുണ്ടോ? എന്താണ് വസ്‌തുത എന്ന് പരിശോധിക്കാം.
Written By: Dewin CarlosResult: Misleading
