വിവരണം
കേരളത്തില്‍ മാര്‍ക്സിസം ഒരു ശക്തിയായി നിന്നില്ലായെങ്കില്‍ ഇവിടെ ജീവിതം വളരെ അപകടകരമായ അവസ്ഥയില്‍ എത്തിച്ചേരുമായിരുന്നു.. എന്ന് സാഹത്യകാരനായ എം.ടി.വാസുദേവന്‍ നായര്‍ പറഞ്ഞു എന്ന പേരില്‍ ഒരു പോസ്റ്റര്‍ വ്യാപകമായി സമൂഹമാധ്യമങ്ങളില്‍ പ്രചരിക്കുന്നുണ്ട്. സിപിഐഎം സൈബര്‍ കോംമേഡ്സ് എന്ന ഫെയ്‌സ്ബുക്ക് ഗ്രൂപ്പില്‍ സജി.എസ് എന്ന വ്യക്തി പങ്കുവെച്ചിരിക്കുന്ന പോസ്റ്റിന് 531ല്‍ അധികം റിയാക്ഷനുകളും 157ല്‍ അധികം ഷെയറുകളും ലഭിച്ചിട്ടുണ്ട്-
യഥാര്‍ത്ഥത്തില്‍ എം.ടി.വാസുദേവന്‍ നായര്‍ ഇത്തരത്തിലൊരു പ്രസ്താവന നടത്തിയിട്ടുണ്ടോ? എന്താണ് പ്രചരിക്കുന്ന പോസ്റ്റിനെ കുറിച്ചുള്ള സത്യാവസ്ഥ എന്ന് പരിശോധിക്കാം.
വസ്‌തുത ഇതാണ്
ഫാക്‌ട് ക്രെസെന്‍ഡോ മലയാളം പ്രതിനിധി സാഹത്യകാരന്‍ എം.ടി.വാസുദേവന്‍ നായരുമായി ഫോണില്‍ ബന്ധപ്പെട്ടു. അദ്ദേഹത്തിന്‍റെ മറുപടി ഇങ്ങനെയാണ്- ഇത്തരത്തിലൊരു പ്രസ്താവന എവിടെയും പറഞ്ഞിട്ടില്ലാ. ആരെങ്കിലും താന്‍ പറഞ്ഞു എന്ന തരത്തില്‍ പ്രചരിപ്പിക്കുന്നതാവും എന്ന് എംടി പ്രതികരിച്ചു. അതുകൊണ്ട് തന്നെ പ്രചരണം അടിസ്ഥാന രഹിതമാണെന്ന് അനുമാനിക്കാം,
നിഗമനം
എം.ടി.വാസുദേവന്‍ നായര്‍ തന്നെ പ്രചരണം തെറ്റാണെന്നും താന്‍ ഇത്തരമൊരു പ്രസ്താവന നടത്തയിട്ടില്ലെന്നും വ്യക്തമാക്കിയിട്ടുണ്ട്. അതുകൊണ്ട് തന്നെ പ്രചരണം പൂര്‍ണ്ണമായും വ്യാജമാണെന്ന് തന്നെ അനുമാനിക്കാം.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ Telegram ചാനല്‍ Fact Crescendo Malayalam ഈ ലിങ്ക് ഉപയോഗിച്ച് സബ്സ്ക്രൈബ് ചെയുക
Title:മാര്‍ക്സിസത്തെ കുറിച്ച് എം.ടി.വാസുദേവന്‍ നായരുടെ പേരില്‍ പ്രചരിക്കുന്ന ഈ പോസ്റ്റര്‍ വ്യാജം.. വസ്‌തുത ഇതാണ്..
Fact Check By: Dewin CarlosResult: False
