ഇന്ത്യയുമായി പാക്കിസ്ഥാൻ ക്രിക്കറ്റ് ടീം നിലവിൽ നടക്കുന്ന ചാമ്പ്യൻസ് ട്രോഫി മത്സരത്തിൽ തൊട്ടതിന് പിന്നാലെ പാകിസ്ഥാനിൽ ഫാൻസ്‌ ടി.വി. പൊട്ടിച്ചു എന്ന തരത്തിൽ ഒരു ചിത്രം പ്രചരിപ്പിക്കുന്നുണ്ട്.
പക്ഷെ ഈ ചിത്രത്തെ കുറിച്ച് ഞങ്ങൾ അന്വേഷിച്ചപ്പോൾ ഈ ചിത്രം പഴയതാണെന്ന് കണ്ടെത്തി. എന്താണ് ഈ ചിത്രത്തിൻ്റെ യാഥാർഥ്യം നമുക്ക് നോക്കാം.
പ്രചരണം
മുകളിൽ നൽകിയ പോസ്റ്റിൽ നമുക്ക് ഒരു ചിത്രം കാണാം. ചിത്രത്തിൽ നമുക്ക് പാക്ക് ക്രിക്കറ്റ് ഫാൻസ്‌ ടി.വി. പൊളിക്കുന്നതായി കാണാം. ചിത്രത്തിനെ കുറിച്ച് പോസ്റ്റിൻ്റെ അടികുറിപ്പിൽ പറയുന്നത് ഇങ്ങനെയാണ്: “ടി വി തല്ലിപൊട്ടിച്ചു തുടങ്ങി”
എന്നാൽ ശരിക്കും പാകിസ്ഥാനിൽ ടിവി പൊട്ടിക്കുന്ന ഈ കാഴ്ച ഇന്നലെ ഇന്ത്യ പാക്കിസ്ഥാനിനെ തോൽപ്പിച്ചതിന് ശേഷം നടന്ന സംഭവത്തിൻ്റെതാണോ? നമുക്ക് അന്വേഷിക്കാം.
വസ്തുത അന്വേഷണം
ചിത്രത്തിനെ ഗൂഗിളിൽ റിവേഴ്സ് ഇമേജ് അന്വേഷണം നടത്തിയപ്പോൾ ഞങ്ങൾക്ക് ഈ ചിത്രം ഡെയിലി തന്തിയുടെ ഇംഗ്ലീഷ് വെബ്സൈറ്റിൽ 21 മാർച്ച് 2016ന് പ്രസിദ്ധികരിച്ചതായി കണ്ടെത്തി.
വാർത്ത വായിക്കാൻ – DT | Archived
ഈ വാർത്ത പ്രകാരം 2016ൽ ഇന്ത്യ പാക്കിസ്ഥാനിനെ ട്വൻ്റി-ട്വൻ്റി ലോകകപ്പിൽ തോൽപ്പിച്ചതിന് ശേഷം കറാച്ചിയിൽ പാക് ക്രിക്കറ്റ് ഫാൻസ്‌ ടിവി തല്ലിപൊട്ടിച്ചു. ഈ സംഭവത്തിൻ്റെ ചിത്രങ്ങൾ വൺ ഇന്ത്യ എന്ന മാധ്യമവും അവരുടെ യുട്യൂബ് ചാനലിൽ മാർച്ച് 21, 2016ന് പ്രസിദ്ധികരിച്ചിട്ടുണ്ട്.
ഈ സംഭവത്തിൻ്റെ ഒരു ചിത്രം നമുക്ക് സ്റ്റോക്ക് വെബ്സൈറ്റ് ഗേറ്റി ഇമേജസിലും കാണാം. ഈ ചിത്രത്തിനെ കുറിച്ച് നൽകിയ വിവരണവും ഈ ചിത്രം 2016ൽ കറാച്ചിയിൽ നടന്ന സംഭവത്തിൻ്റെതാണ് എന്ന് സ്ഥിരീകരിക്കുന്നു.
ചിത്രം കാണാൻ – Getty Images | Archived
നിഗമനം
സമൂഹ മാധ്യമങ്ങളിൽ പാകിസ്ഥാനിൽ നിലവിൽ നടക്കുന്ന ചാമ്പ്യൻസ് ട്രോഫി മത്സരത്തിൽ ഇന്ത്യക്കെതിരെ പാക് ക്രിക്കറ്റ് ടീം തൊട്ടപ്പോൾ പാക് ഫാൻസ്‌ ടി വി പൊട്ടിച്ചു എന്ന തരത്തിൽ പ്രചരിപ്പിക്കുന്ന ചിത്രം പഴയതാണ്. ഈ കാര്യം അന്വേഷണത്തിൽ നിന്ന് വ്യക്തമാകുന്നു.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.
ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:
Facebook | Twitter | Instagram | Telegram | WhatsApp (9049053770)
Title:ടീമിൻ്റെ തോൽവിയുടെ പിന്നാലെ പാക്കിസ്ഥാൻ ഫാൻസ്‌ ടി.വി. പൊട്ടിക്കുന്ന ചിത്രം പഴയതാണ്
Written By: Mukundan KResult: Misleading
