ഇന്ത്യയെ ആക്രമിച്ച പട്ടാളക്കാരുടെ മൃതദേഹങ്ങൾ കഴുതപ്പുറത് വെച്ച് കൊണ്ട് പോകുന്ന ദൃശ്യങ്ങൾ എന്ന തരത്തിൽ പ്രചരിപ്പിക്കുന്ന വീഡിയോ പഴയതാണ്     

ഇന്ത്യയെ ആക്രമിച്ച പട്ടാളക്കാരുടെ മൃതദേഹങ്ങൾ കഴുതപ്പുറത്ത് വെച്ച് കൊണ്ട് പോകുന്ന ദൃശ്യങ്ങൾ എന്ന തരത്തിൽ ഒരു വീഡിയോ സമൂഹ മാധ്യമങ്ങളിൽ പ്രചരിപ്പിക്കുന്നുണ്ട്.

പക്ഷെ ഈ വീഡിയോയെ കുറിച്ച് ഞങ്ങൾ അന്വേഷിച്ചപ്പോൾ ഈ വീഡിയോ പഴയതാണെന്ന് കണ്ടെത്തി. കൂടാതെ നിലവിൽ നടന്ന ഇന്ത്യയും പാകിസ്ഥാനും തമ്മിലുള്ള യുദ്ധവുമായി ദൃശ്യങ്ങൾക്ക് യാതൊരു ബന്ധമില്ല. എന്താണ് ഈ വീഡിയോയുടെ   സത്യാവസ്ഥ നമുക്ക് നോക്കാം.

പ്രചരണം

Facebook

Archived Link

മുകളിൽ നൽകിയ പോസ്റ്റിൽ നമുക്ക് ഒരു വീഡിയോ കാണാം. വീഡിയോയിൽ  കഴുതപ്പുറത് പട്ടാളക്കാരുടെ മൃതദേഹങ്ങൾ കൊണ്ട് വരുന്ന ദൃശ്യങ്ങൾ നമുക്ക് കാണാം. പോസ്റ്റിൻ്റെ അടികുറിപ്പിൽ വീഡിയോയെ കുറിച്ച് പറയുന്നത് ഇപ്രകാരമാണ്: “മയ്യത്ത് ചുമക്കുന്ന കഴുത ഇത്രയേ ഉള്ളൂ പാക്കിസ്ഥാനിൽ പട്ടാളത്തിന്റെ വില ഇന്ത്യയെ ആക്രമിച്ച പട്ടാളക്കാരുടെ മയ്യത്ത്😭

മനുഷ്യപറ്റില്ലാത്ത ജന്മങ്ങളാണ് പാക്കികൾ ……..👇” 

എന്നാൽ എന്താണ് ഈ വീഡിയോയുടെ സത്യാവസ്ഥ നമുക്ക് നോക്കാം. 

വസ്തുത അന്വേഷണം

വീഡിയോയുടെ സ്ക്രീൻഷോട്ടുകൾ ഗൂഗിളിൽ റിവേഴ്സ് അന്വേഷണം നടത്തി പരിശോധിച്ചപ്പോൾ ഈ വീഡിയോ പഴയതാണെന്ന് ഞങ്ങൾ കണ്ടെത്തി. കൂടാതെ ഈ വീഡിയോ പാകിസ്ഥാനിലെതുമല്ല എന്നും വ്യക്തമായി. 20 നവംബർ 2024ന് Xൽ ബിലാവൽ സർവാരി എന്ന അഫ്ഘാൻ മാധ്യമപ്രവർത്തകൻ ഈ വീഡിയോ പോസ്റ്റ് ചെയ്തിട്ടുണ്ട്. 

Who would have thought that the Pakistani army would become so helpless to even not be able to carry the beheaded bodies of its soldiers and had to put them on a donkey. This is when the morale of the rest is affected because they know that front-line soldiers and their lives are… pic.twitter.com/BfhLULrZNx

— BILAL SARWARY (@bsarwary) November 20, 2024

Archived 

പോസ്റ്റ് പ്രകാരം ആക്രമണത്തിൽ മരിച്ച പാക്കിസ്ഥാനി പട്ടാളക്കാരെ കഴുതപ്പുറത്ത് കൊണ്ട് വരുന്ന ദൃശ്യങ്ങളാണ് നാം കാണുന്നത്. ഈ പട്ടാളക്കാരുടെ തലവെട്ടിയതാണെന്ന് പോസ്റ്റിൽ പറയുന്നു. ഈ വീഡിയോ പഴയതായതിനാൽ നിലവിൽ ഇന്ത്യയും പാകിസ്ഥാനും തമ്മിൽ നടന്ന യുദ്ധവുമായി യാതൊരു ബന്ധവുമില്ല എന്ന് വ്യക്തമാണ്. ഈ വീഡിയോ 20 നവംബർ 2024ന് മറ്റൊരു X അക്കൗണ്ടും പോസ്റ്റ് ചെയ്തതായി ഞങ്ങൾ കണ്ടെത്തി. ഈ X പോസ്റ്റ് താഴെ കാണാം.

https://twitter.com/iimranrizkhan/status/1859147500050849993

Archived

വീഡിയോയിൽ കാണുന്ന പാക് സൈനികർ സംസാരിക്കുന്നത് പഷ്‌തോ ഭാഷയിലാണ്. ഞങ്ങൾ ഈ വീഡിയോ ഞങ്ങളുടെ അഫ്ഘാൻ ടീമിന് പരിശോധനക്ക് അയച്ചു. പരിശോധനയിൽ അവർ കണ്ടെത്തിയത് ഈ സൈനികർ സംസാരിക്കുന്ന പഷ്‌തോ ഭാഷ പാകിസ്ഥാനിലെ ഖൈബർ പ്രദേശത്തിൽ പാക്കിസ്ഥാൻ അഫ്ഘാനിസ്ഥാൻ അതിർത്തിയുടെ അടുത്തുള്ള തിര താഴ്വരയിലാണ് വീഡിയോയിൽ കേൾക്കുന്ന പഷ്‌തോവിൻ്റെ ഈ ഭാഷാഭേദം സംസാരിക്കുന്നത്. താഴെ നൽകിയ ഭൂപടത്തിൽ നമുക്ക് തിര താഴ്വര കാണാം. 

 18 നവംബർ 2024ന് പാകിസ്ഥാനും പാകിസ്ഥാൻ താലിബാൻ എന്ന തരത്തിൽ അറിയപ്പെടുന്ന തെഹ്രീക്ക് എ താലിബാൻ പാക്കിസ്ഥാൻ (TTP)യും തമ്മിൽ ഏറ്റുമുട്ടലുണ്ടായി. ഈ ഏറ്റുമുട്ടൽ തിറാഹ് താഴ്വരെയിലെ ലൂർ മദാവുൻ എന്ന സ്ഥലത്താണ് ഉണ്ടായത്. ഈ ഏറ്റുമുട്ടലിൽ ഒരു പാക്കിസ്ഥാൻ കമാൻഡോ കൊല്ലപ്പെട്ടിരുന്നു. തിര താഴ്വരയിൽ TTP സജീവമായി പ്രവർത്തിക്കുന്നതാണ്. ഈ ദൃശ്യങ്ങളും ഇത് പോലെ ഒരു ഏറ്റുമുട്ടലിൽ കൊല്ലപ്പെട്ട പാകിസ്ഥാൻ പട്ടാളത്തിലെ സൈനികരുടെ ആവാനുള്ള സാധ്യതയുണ്ട്.

നിഗമനം

ഇന്ത്യയെ ആക്രമിച്ച പട്ടാളക്കാരുടെ മൃതദേഹങ്ങൾ കഴുതപ്പുറത്ത് വെച്ച് കൊണ്ട് പോകുന്ന ദൃശ്യങ്ങൾ എന്ന തരത്തിൽ പ്രചരിപ്പിക്കുന്ന വീഡിയോ പഴയതാണെന്ന് അന്വേഷണത്തിൽ നിന്ന് വ്യക്തമാകുന്നു. ഈ വീഡിയോ നവംബർ 2024 മുതൽ ഇൻറ്റർനെറ്റിൽ ലഭ്യമാണ്. നിലവിൽ ഇന്ത്യയും പാകിസ്ഥാനും തമ്മിൽ നടക്കുന്ന പ്രശ്നവുമായി ഈ ദൃശ്യങ്ങൾക്ക് യാതൊരു ബന്ധവുമില്ല.  

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:

Facebook | Twitter | Instagram | Telegram | WhatsApp (9049053770)