ഡല്‍ഹിയിലേക്ക് പോകുന്ന കര്‍ഷകര്‍ ആയിരക്കണക്കിന് കന്നുകാലികളോടൊപ്പം വരുന്നു എന്ന തരത്തില്‍ ചില ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിപ്പിക്കുന്നുണ്ട്.
പക്ഷെ ഈ ദൃശ്യങ്ങളെ കുറിച്ച് ഞങ്ങള്‍ അന്വേഷിച്ചപ്പോള്‍ ഈ സംഭവത്തിന് നിലവില്‍ നടക്കുന്ന കര്‍ഷകരുടെ സമരവുമായി യാതൊരു ബന്ധവുമില്ല എന്ന് കണ്ടെത്തി. എന്താണ് വീഡിയോയുടെ യാഥാര്‍ത്ഥ്യം നമുക്ക് നോക്കാം.
പ്രചരണം
മുകളില്‍ നല്‍കിയ പോസ്റ്റില്‍ നമുക്ക് നിഹന്ഗ് സിഖുകള്‍ ആയിരം കണക്കിന് കന്നുകാലികളെ കൊണ്ട് റോഡിലുടെ നടന്ന പോകുന്നതതായി കാണാം. ഈ വീഡിയോയെ കുറിച്ച് പോസ്റ്റിന്‍റെ അടികുറിപ്പില്‍ പറയുന്നത് ഇങ്ങനെയാണ്:
“മണ്ണിന്‍റെ മക്കൾക്ക് എല്ലാ വിധ വിജയാശംസകളും പൊരുതി ജയിക്കാനുറച്ച ജനതയെ തകർക്കാൻ കഴിയില്ല
ജയ് കിസാൻ”
എന്നാല്‍ ഈ സംഭവത്തിന് കര്‍ഷക സമരവുമായി എന്തെങ്കിലും ബന്ധമുണ്ടോ ഇല്ലയോ എന്ന് നമുക്ക് അന്വേഷിക്കാം.
വസ്തുത അന്വേഷണം
വീഡിയോയുടെ സ്ക്രീന്‍ഷോട്ടുകള്‍ ഗൂഗിളില്‍ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോള്‍ ഞങ്ങള്‍ക്ക് 23 ഏപ്രില്‍ 2022ന് ചെയ്ത് ഒരു ട്വീറ്റ് ലഭിച്ചു. ഈ ട്വീറ്റില്‍ വൈറല്‍ വീഡിയോയുണ്ട്. അങ്ങനെ ഈ വീഡിയോ പഴയതാണ് കൂടാതെ നിലവിലെ കര്‍ഷക സമരവുമായി വീഡിയോയ്ക്ക് യാതൊരു ബന്ധവുമില്ല എന്ന് വ്യക്തമാണ്.
ഈ ട്വീറ്റ് പ്രകാരം ഈ വീഡിയോ അമൃത്സറിലെ ബാബ ബാകാല സാഹിബില്‍ തരന ദള്‍ എന്ന നിഹന്ഗ് സിഖ് സമുദായത്തില്‍ പെട്ട ബാബ പാലാ സിംഗ്ജിയുടെ അനുയായികള്‍ നോക്കുന്ന 6000ല്‍ അധികം കന്നുകാലികളുടെതാണ്. ബാബ പാലാ സിംഗ് ജി 2018ല്‍ അന്തരിച്ചു പക്ഷെ ഇപ്പോഴും അദ്ദേഹത്തിന്‍റെ ശിഷ്യന്മാര്‍ ഈ കന്നുകാലികളെ നോക്കുന്നുണ്ട്. ഈ വിവരങ്ങള്‍ വെച്ച് ഞങ്ങള്‍ ഇന്‍സ്റ്റാഗ്രാമില്‍ അന്വേഷിച്ചപ്പോള്‍ ഞങ്ങള്‍ക്ക് ബാബ പാലാ സിംഗ് ജിയുടെ പേരില്‍ ഒരു ഇന്‍സ്റ്റാഗ്രാം അക്കൗണ്ട്‌ ലഭിച്ചു. ഈ അക്കൗണ്ടില്‍ ഈ വീഡിയോ 2021 ഡിസംബര്‍ മുതല്‍ ലഭ്യമാണ്.
പശുകളെ കൊണ്ട് റോഡിലുടെ കൊണ്ടു നടക്കുന്നത്തിന്‍റെ പല വീഡിയോകള്‍ ഇവരുടെ ഇന്‍സ്റ്റ അക്കൗണ്ടില്‍ ലഭ്യമാണ്. ഇവര്‍ ഈ പശുകളെ മേയ്ക്കാന്‍ കൊണ്ട് പോകുന്ന ദൃശ്യങ്ങള്‍ ആയിരിക്കാം ഇത്.
നിഗമനം
സമൂഹ മാധ്യമങ്ങളില്‍ കര്‍ഷക സമരവുമായി ബന്ധപെടുത്തി പ്രചരിപ്പിക്കുന്ന കന്നുകാലികളുടെ വീഡിയോ യഥാര്‍ത്ഥത്തില്‍ 2 കൊല്ലം പഴയതാണ്. കുടാതെ കര്‍ഷക സമരവുമായി ഈ വീഡിയോയ്ക്ക് യാതൊരു ബന്ധവുമില്ല എന്നും അന്വേഷണത്തില്‍ നിന്ന് വ്യക്തമാകുന്നു.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.
ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:Facebook | Twitter | Instagram | Telegram | WhatsApp (9049053770)
Title:നിഹന്ഗ് സിഖുകള്‍ പശുകളെ റോഡിലൂടെ കൊണ്ടു പോകുന്ന ഈ വീഡിയോയ്ക്ക് കര്‍ഷക സമരവുമായി യാതൊരു ബന്ധവുമില്ല…
Written By: Mukundan KResult: False
