മലേഷ്യയിലെത്തിയ രാഹുല്‍ ഗാന്ധി സ്ത്രീയോടൊപ്പം പകര്‍ത്തിയ സെല്‍ഫി..? പ്രചരിക്കുന്നത് എഐ ചിത്രം…

രാഹുൽ ഗാന്ധി ഒരു സ്ത്രിയോടൊപ്പം മലേഷ്യ സന്ദർശനത്തിനിടെ ചിത്രീകരിച്ച സെൽഫികള്‍ എന്ന പേരിൽ ഒരു ചിത്രം സമൂഹ്യമാധ്യമങ്ങളിൽ പ്രചരിക്കുണ്ട്.

പ്രചരണം 

രാഹുൽ ഗാന്ധി സൺഗ്ലാസ് ധരിച്ച ഒരു സ്ത്രീയുടെ അരികിൽ നിന്ന് സെല്‍ഫി പകര്‍ത്തി എന്നവകാശപ്പെട്ടാണ് ചിത്രം പങ്കുവയ്ക്കുന്നത്. മലേഷ്യയില്‍ യുവതിയോടൊപ്പം ഉല്ലസിക്കാന്‍ പോയതാണ് രാഹുല്‍ എന്ന് സൂചിപ്പിച്ച് ഒപ്പമുള്ള വിവരണം ഇങ്ങനെ:  “ഇതൊന്നും ആസൂത്രിതമല്ലാട്ടാ, തികച്ചും യാദൃശ്ചികം മാത്രാണ്….
ഇറ്റലി മദാമ്മയുടെ വല്യമ്മാവൻ ജോർജ്ജ് സോറോസിന്റെ മകൻ അലക്സാണ്ടർ സോറോസ് മലേഷ്യയിലുണ്ട്.
കഴിഞ്ഞ ദിവസം പാകിസ്ഥാൻ സന്ദർശന വേളയിൽ “അജിത് ഡോവലിൻ്റെ അജ്ഞാതനെ” കണ്ട് ഒളിച്ചോടിയ ഇസ്ലാമിക തീവ്രവാദി സാക്കിർ നായിക്കും മലേഷ്യയിലുണ്ട്.
കൊളംബിയൻ മയക്കുമരുന്ന് മാഫിയ തലവന്റെ മകളും മലേഷ്യയിലുണ്ട്.
വോട്ടു ചോരി യാത്രയുടെ “ക്ഷീണം മാറ്റാൻ”ഇന്ത്യൻ പ്രതിപക്ഷ നേതാവ് രാഹുൽ ഗണ്ടിയും മലേഷ്യയിലുണ്ട്.
ഇവരുടെ ചിത്രങ്ങൾ “അജ്ഞാതൻ” പുറകേ നടന്ന് ക്ലിക്ക് ചെയ്യുന്നുമുണ്ട്.
ഇത് ശരിയല്ലാട്ടാ !
ഈ മനുഷ്യൻ്റെ വ്യക്തിസ്വാതന്ത്ര്യത്തിൽ കൈകടത്തല്ലേട്ടാ..
ഇവിടെ നിന്നുള്ള സ്റ്റഡി ക്ലാസ്സും ഇന്ധനവും കിട്ടിയിട്ടു വേണം ഞങ്ങൾക്ക് ഭാരതത്തിൽ വന്ന് “ഹൈഡ്രജൻ ബോംബിടാൻ”ട്ടാ..!
തൻ്റെ രാജ്യമല്ലെന്ന് പൂർണ്ണ ബോധ്യമുള്ള ബ്രീട്ടീഷ് പൗരത്വവും ഇറ്റാലിയൻ പൗരത്വവും ഇന്ത്യൻ പൗരത്വതവും ഒരുമിച്ചു കൊണ്ടു നടക്കുന്ന ഇന്ത്യൻ പ്രതിപക്ഷ നേതാവിന് ഉത്തരേന്ത്യൻ സംസ്ഥാനങ്ങളിലെ പ്രകൃതി ദുരന്തങ്ങളൊന്നും തന്നെ ഗൗരവമുള്ള വിഷയമല്ല.

*ഭാരതത്തെ നശിപ്പിക്കുക എന്ന ഒരൊറ്റ മന്ത്രവുമായി നടക്കുന്ന പരമ രാജ്യദ്രോഹി!*

FB post

archived link

എന്നാല്‍ തെറ്റിദ്ധരിപ്പിക്കുന്ന പ്രചാരണമാണ് ഇതെന്നും ചിത്രം എഐ നിര്‍മ്മിതമാആണെന്നും അന്വേഷണത്തില്‍ ഞങ്ങള്‍ കണ്ടെത്തി.

വസ്തുത ഇതാണ് 

ചിത്രം ശ്രദ്ധാപൂർവം നോക്കിയാല്‍ സെലിബ്രിറ്റികളുമായി “സ്വാഭാവിക” സെൽഫികൾ സൃഷ്ടിക്കാൻ ChatGPT അല്ലെങ്കിൽ മറ്റ് AI- അധിഷ്ഠിത ഇമേജ് ജനറേറ്ററുകൾ ഉപയോഗിക്കുന്ന സമീപകാല സോഷ്യൽ മീഡിയ ട്രെൻഡുമായി ശ്രദ്ധേയമായ സമാനതകൾ കാണാന്‍ കഴിയും.

AI- ജനറേറ്റഡ് ഫോട്ടോഗ്രാഫുകളിൽ ആവർത്തിച്ചുള്ള പാറ്റേൺ അനുസരിച്ച് പശ്ചാത്തലങ്ങൾ സാധാരണയായി മങ്ങിയതായിരിക്കും.  പലപ്പോഴും അവ്യക്തമായ രൂപങ്ങളുള്ള തെരുവുകളാണ് പശ്ചാത്തലത്തില്‍ ഉണ്ടാവുക. ഇത് തിടുക്കത്തിലുള്ള, ചലനാത്മകമായ ക്യാപ്‌ചറിന്‍റെ പ്രതീതി നൽകുന്നു.

സെലിബ്രിറ്റികളോടൊപ്പം സെല്‍ഫി തയ്യാറാക്കുന്ന ചില ചാറ്റ്ജിപിടി പ്രോഗ്രാമുകളില്‍ അവ എങ്ങനെ നിര്‍മ്മിക്കാമെന്ന്  വിശദമാക്കുന്നുണ്ട്. 

ഞങ്ങളുടെ അന്വേഷണത്തിൽ, വൈറൽ ചിത്രം ബ്രൗൺ കിംഗ് എന്ന പേരുള്ള ഒരു എക്സ് അക്കൗണ്ടിൽ നിന്ന് 2025 സെപ്റ്റംബർ 8 ന് പങ്കിട്ടതാണെന്ന് കണ്ടെത്തി. 

Someone sent me this. Who are these people? The guy who sent me had quoted "Malaysia" with this photo. Now it's gone; he/she deleted their account. pic.twitter.com/OGEtqPJMC5

— Brown King (@Brownking__) September 7, 2025

ചിത്രം ഫോർവേഡ് ചെയ്ത് ലഭിച്ചതാണെന്നും “മലേഷ്യ” എന്ന് സൂചനയായി പരാമർശിച്ചിട്ടുണ്ടെന്നും അടിക്കുറിപ്പിൽ സൂചിപ്പിച്ചിട്ടുണ്ട്. അയച്ചയാളുടെ അക്കൗണ്ട് നിലവില്‍ ലഭ്യമല്ലെന്നും ഉപയോക്താവ് പരാമർശിക്കുന്നു. പോസ്റ്റിന് താഴെയുള്ള കമന്റുകളിൽ, ‘ഉറവിടങ്ങൾ’ അനുസരിച്ച്, ചിത്രം AI- സൃഷ്ടിച്ചതാണെന്ന് ഉപയോക്താവ് വ്യക്തമാക്കുന്നു. 

പിന്നീട് ഡിലീറ്റ് ചെയ്ത മറ്റൊരു പോസ്റ്റിൽ, സമാനമായ മങ്ങിയ പശ്ചാത്തലത്തിൽ, രാഹുൽ ഗാന്ധി ഒരു പുരുഷനൊപ്പം നിൽക്കുന്ന സെല്‍ഫിയും  ഉപയോക്താവ് പങ്കിട്ടു.

സെലിബ്രിറ്റികൾക്കൊപ്പം കൃത്രിമ സെൽഫികൾ എങ്ങനെ സൃഷ്ടിക്കാമെന്ന് വിശദീകരിക്കുന്ന നിരവധി യൂട്യൂബ് ട്യൂട്ടോറിയലുകൾ ലഭ്യമാണ്. 

ചാറ്റ്ജിപിടിയിലെ പ്രോംപ്റ്റ് ഉപയോഗിച്ച് ഷാരൂഖ് ഖാനൊപ്പം ഫോട്ടോ സൃഷ്ടിക്കുന്നത് കാണാം. മറ്റൊരു വീഡിയോയിൽ പ്രശസ്ത ഫുട്ബോൾ താരം ക്രിസ്റ്റ്യാനോ റൊണാൾഡോയുടെ അടുത്തായി ഐഷോസ്പീഡ് എന്ന യൂട്യൂബറുടെ ചിത്രം എങ്ങനെ സൃഷ്ടിച്ചുവെന്ന് കാണിക്കുന്നു.

ജയ് അറോറ, ഭീം റാവ് തുടങ്ങിയ സ്രഷ്ടാക്കൾ ഉൾപ്പെടെ നിരവധി ഇൻസ്റ്റാഗ്രാം ഉപയോക്താക്കൾ ചാറ്റ്ജിപിടിയുടെ സഹായത്തോടെ അത്തരം ചിത്രങ്ങൾ സൃഷ്ടിക്കുന്നതിനുള്ള ട്യൂട്ടോറിയൽ വീഡിയോകൾ അപ്‌ലോഡ് ചെയ്തിട്ടുണ്ട്.

യൂട്യൂബ് ട്യൂട്ടോറിയൽ വീഡിയോകളിലൊന്നിൽ നൽകിയിരിക്കുന്ന പ്രോംപ്റ്റുകൾ പരീക്ഷിക്കേണ്ടത് ഇങ്ങനെ: 

വളരെ സാധാരണമായ ഒരു ഐഫോൺ സെൽഫി എടുക്കുക, വ്യക്തത ഇല്ലാതെ പെട്ടെന്നുള്ള ആകസ്മിക സ്‌നാപ്പ്‌ഷോട്ട് മാത്രം. ഫോട്ടോയിൽ നേരിയ ചലന മങ്ങലും തെരുവുവിളക്കുകളിൽ നിന്നോ ഇൻഡോർ ലാമ്പുകളിൽ നിന്നോ ഉള്ള നേര്‍ത്ത ലൈറ്റിംഗും ആയിരിക്കണം. ഇത് ചിത്രത്തിന് മനഃപൂർവ്വം ഒരു സാധാരണ രൂപം  നൽകുന്നു, പോക്കറ്റിൽ നിന്ന് ഫോൺ എടുക്കുമ്പോൾ അശ്രദ്ധമായി എടുത്തതുപോലെ. രാഹുൽ ഗാന്ധി അല്ലെങ്കില്‍ മറ്റേതെങ്കിലും സെലിബ്രിറ്റിയുടെ പേര് നല്‍കുമ്പോള്‍ ആ വ്യക്തിയുടെ അരികിൽ നിൽക്കുന്ന സെല്‍ഫി നിര്‍മ്മിതമാകും.  ഇരുവരും സാധാരണ,  സെല്‍ഫി എടുത്തത്‌ പോലെ…  പശ്ചാത്തലത്തില്‍ നിയോൺ ലൈറ്റുകൾ, ട്രാഫിക്, മങ്ങിയ രൂപങ്ങൾ എന്നിങ്ങനെ രാത്രിയിലെ സജീവമായ തെരുവ് കാണാം. സ്വാഭാവികതയ്ക്കായി വ്യക്തതയില്ലാതെ പകര്‍ത്തിയ ഐഫോൺ സെൽഫിയുടെ യഥാർത്ഥ വൈബ് ലഭിക്കും.

പ്രോംപ്റ്റുകളിലെ വ്യതിയാനങ്ങളും AI ഔട്ട്‌പുട്ടുകളിലെ പോരായ്മകളും കാരണം ഇത്തരത്തിലുള്ള സെല്‍ഫി ചിത്രങ്ങളില്‍  യഥാര്‍ത്ഥ ചിത്രത്തിന്‍റെ പൂര്‍ണ്ണത ഒരിക്കലും ഉണ്ടായിരിക്കില്ല. രാഹുല്‍ ഗാന്ധിയുടെ ചിത്രം സൂക്ഷ്മമായി പരിശോധിച്ചാൽ രാഹുൽ ഗാന്ധിയുടെ ഇടത് കണ്ണ് കടുപ്പമുള്ളതും കല്ല് പോലെയുള്ളതുമായി കാണുന്നു. കൂടാതെ അസ്വാഭാവികമായ നോട്ട വ്യതിയാനവും കാണാം. ഇത് മിക്ക AI- ജനറേറ്റഡ് ചിത്രങ്ങളിലും കാണപ്പെടുന്ന ഒരു സാധാരണ അപാകതയാണ്.

നിഗമനം 

രാഹുല്‍ ഗാന്ധി മലേഷ്യയില്‍ ഒരു സ്ത്രീയോടൊപ്പം പകര്‍ത്തിയ സെല്‍ഫി എന്ന തരത്തില്‍ പ്രചരിക്കുന്നത് എഐ നിര്‍മ്മിത ചിത്രമാണ്, യഥാര്‍ത്ഥമല്ല. 

ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

വ്യാജ വാര്‍ത്തയ്ക്കെതിരെയുള്ള പോരാട്ടത്തില്‍ ഞങ്ങളോടൊപ്പം ചേരൂ:

Facebook | Twitter | Instagram | WhatsApp (9049053770)