പ്രസിദ്ധമായ കാശി വിശ്വനാഥ ക്ഷേത്രത്തില്‍ റര്‍ശനത്തിന് എത്തിയതിന് ദളിത് സമുദായത്തിൽപ്പെട്ട പുരുഷന്മാരെ ഒരു സംഘം ആളുകൾ വടികൊണ്ട് മർദിക്കുകയും ശിവക്ഷേത്രത്തിൽ പ്രവേശിക്കാൻ വിസമ്മതിക്കുകയും ചെയ്യുന്നതായി അവകാശപ്പെട്ട് ഒരു വീഡിയോ പ്രചരിക്കുന്നുണ്ട്.
പ്രചരണം
നഗ്നരായ പുരുഷന്മാരെ ഒരു സംഘം ആളുകള്‍ നദിയുടെ പടവുകള്‍ക്ക് സമീപത്തുവച്ച് വടി ഉപയോഗിച്ച് മര്‍ദ്ദിക്കുന്ന ദൃശ്യങ്ങളാണ് വീഡിയോയിലുള്ളത്. മര്‍ദ്ദനമേല്‍ക്കുന്നവര്‍ ദളിത് സമുദായത്തില്‍ പെട്ടവരാണെന്നും കാശി വിശ്വനാഥ ക്ഷേത്രത്തില്‍ ദര്‍ശനത്തിന് എത്തിയത്തിന് ആര്‍‌എസ്‌എസ് ഒത്താശയയോടെയാണ് ഈ ക്രൂര മര്‍ദ്ദനമെന്നും ആരോപിച്ച് ഒപ്പമുള്ള വിവരണം ഇങ്ങനെ: “കാശി ക്ഷേത്രത്തിൽ എത്തിയ ദളിതരായ പാവങ്ങളെ മേൽ ജാതിക്കാരും സെക്യൂരിറ്റിക്കാരും തല്ലിച്ചതക്കുന്നു ആർഎസ്എസുകാരുടെ മഹാ ഫാരതം”
എന്നാല്‍ തെറ്റിദ്ധരിപ്പിക്കുന്ന പ്രചരണമാണ് ഇതെന്നും ദൃശ്യങ്ങള്‍ക്ക് കാശി വിശ്വനാഥ ക്ഷേത്രവുമായി യാതൊരു ബന്ധവുമില്ലെന്നും അന്വേഷണത്തില്‍ ഞങ്ങള്‍ കണ്ടെത്തി.
വസ്തുത ഇതാണ്
ഞങ്ങള്‍ വീഡിയോ കീഫ്രെയിമുകളുടെ റിവേഴ്സ് ഇമേജ് അന്വേഷണം നടത്തി നോക്കിയപ്പോള്‍ യഥാർത്ഥ വീഡിയോ 2024 സെപ്റ്റംബർ 12-ന് ആസാദ് ഹിന്ദുസ്ഥാൻ ലൈവ് യൂട്യൂബ് ചാനലിൽ പോസ്റ്റ് ചെയ്തിട്ടുണ്ടെന്ന് കണ്ടെത്തി.
“നർമ്മദാ നദിയിൽ നഗ്നരായി കുളിക്കുന്ന യുവാക്കളുടെ വീഡിയോ വൈറലായി. “ചൊവ്വാഴ്ച രാത്രി എട്ട് മണിയോടെ മധ്യപ്രദേശിലെ ഖാർഗോണിലെ നർമ്മദാ നദിയിലെ അഹല്യ ഘട്ടിൽ മദ്യപിച്ചെത്തിയ യുവാക്കൾ നഗ്നരായി കുളിക്കുന്നതിനിടെയാണ് സംഭവം. ഇതേത്തുടർന്നാണ് നാട്ടുകാർ ഇവരെ മർദിച്ചത്. റിപ്പോര്‍ട്ടിലെ ദൃശ്യങ്ങളില്‍ ലൊക്കേഷന്‍ മഹേശ്വര്‍ എന്നു രേഖപ്പെടുത്തിയിരിക്കുന്നത് കാണാം. മഹേശ്വര്‍ എന്ന സ്ഥലം മധ്യപ്രദേശിലാണ്.
കൂടാതെ, ഉത്തർപ്രദേശ് പോലീസിന്‍റെ X അക്കൌണ്ടില്‍ സംഭവം ഉത്തര്‍പ്രദേശിലെതല്ലെന്ന് 2024 ഒക്ടോബര്‍ 10 ന് വിശദീകരണം നല്കിയിട്ടുണ്ട്.
“മധ്യപ്രദേശിലെ ഖാർഗോൺ ജില്ലയിലെ മഹേശ്വറിലെ നർമ്മദാ നദിയുടെ തീരത്ത് നിന്ന് പരിശോധിച്ചുറപ്പിക്കാതെയും കാശിയിൽ നിന്നുള്ളതാണെന്ന് തെറ്റിദ്ധരിപ്പിക്കുന്നതിലും പോസ്റ്റ് ചെയ്ത വീഡിയോയുമായി ബന്ധപ്പെട്ട്. തെറ്റായ വാർത്തകൾ പ്രചരിപ്പിക്കുന്നവർക്കെതിരെ നിയമനടപടി സ്വീകരിക്കാൻ ഉത്തർപ്രദേശ് സര്‍ക്കാര്‍ വാരാണസി പോലീസിന് നിർദ്ദേശം നൽകിയിട്ടുണ്ട്.
കൂടാതെ, “നഗ്നരായി കുളിച്ചവരെ മർദിച്ചു” എന്ന തലക്കെട്ടിലുള്ള ഒരു ദൈനിക് ഭാസ്‌കർ റിപ്പോര്‍ട്ട് ഞങ്ങൾക്ക് ലഭിച്ചു. സെപ്റ്റംബർ 10 ന് വൈകുന്നേരം അഞ്ച് യുവാക്കൾ നഗ്നരായി കുളിക്കുകയും അഹല്യ ഘട്ടിലെ നർമ്മദാ നദിയിൽ മദ്യപിക്കുകയും ചെയ്തു. ഇതറിഞ്ഞ നാട്ടുകാർ യുവാക്കളെ വടികൊണ്ട് ആക്രമിച്ചു.
സംഭവത്തെക്കുറിച്ചുള്ള കൂടുതൽ വിവരങ്ങൾക്ക് ഞങ്ങൾ മഹേശ്വര്‍ പോലീസ് സ്റ്റേഷനുമായി ബന്ധപ്പെട്ടു. ഘാട്ടിൽ നഗ്നരായി കുളിക്കുന്ന ചില യുവാക്കൾ മദ്യപിച്ച് പൊതുശല്യം ഉണ്ടാക്കിയതിനെ തുടർന്നാണ് നാട്ടുകാർ അവരെ മർദിച്ച് ഓടിക്കാൻ ശ്രമിച്ചത് എന്നാണ് പോലീസ് വിശദീകരണം. എന്നാൽ, സംഭവവുമായി ബന്ധപ്പെട്ട് ആരും പോലീസില്‍ രേഖാമൂലം പരാതി നൽകിയിട്ടില്ല. സംഭവത്തിന് വര്‍ഗീയ കോണുകളില്ലേന്നും പോലീസ് വ്യക്തമാക്കി.
വീഡിയോ ദൃശ്യങ്ങള്‍ മധ്യപ്രദേശിലെ മഹേശ്വരിൽ നിന്നുള്ളതാണെന്നും വര്‍ഗീയ തലങ്ങള്‍ ഇല്ലെന്നും വിദ്വേഷ കുറ്റകൃത്യങ്ങളുമായി ബന്ധമില്ലാത്തതാണെന്നും അന്വേഷണത്തില്‍ വ്യക്തമായിട്ടുണ്ട്. നർമ്മദാ നദിയിലെ അഹല്യ ഘട്ടിൽ മദ്യപിച്ച് നഗ്നരായി കുളിച്ചതിന് അഞ്ചുപേരെ നാട്ടുകാർ മർദിച്ചു.
നിഗമനം
മധ്യപ്രദേശിലെ അഹല്യ ഘട്ടിൽ നർമദാ നദിയില്‍ മദ്യപിച്ചെത്തി കുളിക്കാനിറങ്ങിയ നഗ്നരായ അഞ്ചുപേരെ നാട്ടുകാർ മര്‍ദ്ദിച്ച ദൃശ്യങ്ങളാണ് കാശി വിശ്വനാഥ ക്ഷേത്രത്തില്‍ ദര്‍ശനത്തിന് എത്തിയ ദലിതരെ സവർണ്ണർ ആക്രമിക്കുന്നുവെന്ന് വ്യാജമായി ആരോപിച്ച് പങ്കിടുന്നത്. ഈ വീഡിയോയ്ക്ക് കാശിയുമായോ ഉത്തർപ്രദേശുമായോ ദളിത് അക്രമവുമായോ യാതൊരു ബന്ധവുമില്ല.
ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.
വ്യാജ വാര്‍ത്തയ്ക്കെതിരെയുള്ള പോരാട്ടത്തില്‍ ഞങ്ങളോടൊപ്പം ചേരൂ:
Facebook | Twitter | Instagram | WhatsApp (9049053770)
Title:മധ്യപ്രദേശില്‍ കുളിക്കാനിറങ്ങിയ യുവാക്കളെ മര്‍ദ്ദിച്ച സംഭവം വര്‍ഗീയ കോണുകളോടെ കാശി ക്ഷേത്രത്തിന്‍റെ പേരില്‍ പ്രചരിപ്പിക്കുന്നു…
Fact Check By: Vasuki SResult: False
