തിരുവണ്ണാമലൈയിൽ RSS പഥസഞ്ചലനം എന്ന തരത്തിൽ പ്രചരിപ്പിക്കുന്നത് മധ്യപ്രദേശിലെ ദൃശ്യങ്ങൾ

തിരുവണ്ണാമലൈയിൽ RSS പഥസഞ്ചലനത്തിൻ്റെ ദൃശ്യങ്ങൾ എന്ന തരത്തിൽ ഒരു വീഡിയോ സമൂഹ മാധ്യമങ്ങളിൽ പ്രചരിപ്പിക്കുന്നുണ്ട്.

പക്ഷെ ഞങ്ങൾ ഈ പ്രചരണത്തെ കുറിച്ച് അന്വേഷണം നടത്തിയപ്പോൾ ഈ പ്രചരണം തെറ്റാണെന്ന് കണ്ടെത്തി. എന്താണ് ഈ പ്രചരണത്തിൻ്റെ യാഥാർഥ്യം നമുക്ക് നോക്കാം.

പ്രചരണം

Instagram

Archived Link

മുകളിൽ നൽകിയ പോസ്റ്റിൽ RSS അംഗങ്ങൾ പഥസഞ്ചലനം നടത്തുന്നതായി വീഡിയോ കാണാം. പോസ്റ്റിൻ്റെ അടികുറിപ്പിൽ പറയുന്നത് ഇങ്ങനെയാണ്: “കേരളത്തിലെ മപ്രകൾ ഇത് വല്ലതും കാണിച്ചോ , തിരുവണ്ണാമലൈ💪”

എന്നാൽ എന്താണ് ഈ പ്രചരണത്തിൻ്റെ യാഥാർഥ്യം നമുക്ക് നോക്കാം.

വസ്തുത അന്വേഷണം

ഈ ദൃശ്യങ്ങളുടെ സ്ക്രീൻഷോട്ടുകൾ ഗൂഗിളിൽ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോൾ ഈ വീഡിയോ പഴയതാണെന്ന് കണ്ടെത്തി. കൂടാതെ ഈ ദൃശ്യങ്ങൾ തമിഴ്നാട്ടിലെതുമല്ല. ഈ വീഡിയോ 10 ഒക്ടോബർ 2025ന് ഇൻസ്റ്റാഗ്രാമിൽ പോസ്റ്റ് ചെയ്തതായി നമുക്ക് താഴെ കാണാം.

Archived

ഈ വാർത്ത പ്രകാരം ഈ ജാഥ മധ്യപ്രദേശിലെ രത്‌ലാമിൽ RSSൻ്റെ 100 വർഷങ്ങൾ തികഞ്ഞത്തിൻ്റെ വിജയാഘോഷത്തിനായി സംഘടിപ്പിച്ചാണ്.

1925 വിജയദശമിക്ക് ആരംഭിച്ച രാഷ്ട്രീയ സ്വയംസേവക സംഘം (RSS) കഴിഞ്ഞ കൊല്ലം 100ആം വാർഷിക ആചരിച്ചു. ഇതിൻ്റെ ഭാഗമായിട്ടാണ് രത്‌ലാമിൽ ഈ പഥസഞ്ചലനം നടത്തിയത്. ഈ പഥസഞ്ചലനത്തിൽ 20000 സ്വയംസേവകർ പങ്കെടുത്തിരുന്നു എന്ന് ദൈനിക് ഭാസ്കർ റിപ്പോർട്ട് ചെയ്യുന്നു.

വാർത്ത വായിക്കാൻ – DB| Archived

വാർത്ത പ്രകാരം ഈ ദൃശ്യങ്ങൾ രത്‌ലാമിലെ സൈലാണ ബസ് സ്റ്റാൻഡിൻ്റെ സമീപം എടുത്താണ്. ഞങ്ങൾ ഗൂഗിൾ മാപ്പിൽ ഈ സ്ഥലം കണ്ടെത്തി. ഈ സ്ഥലത്തിൻ്റെ ഗൂഗിൾ സ്ട്രീറ്റ് വ്യൂ നമുക്ക് താഴെ കാണാം.

താഴെ നൽകിയ താരതമ്യത്തിൽ പ്രസ്തുത വീഡിയോയിൽ കാണുന്ന സ്ഥലവും ഗൂഗിൾ മാപ്പിൽ കാണുന്ന സ്ഥലത്തിൽ നമുക്ക് അജിത് ജൈൻ ആൻഡ് അസ്സോസിയേറ്റ്സ് എന്ന് എഴുതിയ കെട്ടിടം വ്യക്തമായി കാണാം.