അഫ്ഗാൻ സൈന്യം പിടികൂടിയ പാകിസ്ഥാൻ പട്ടാളക്കാരൻ കരയുകയും യാചിക്കുകയും ചെയ്യുന്നു എന്ന തരത്തിൽ പ്രചരിപ്പിക്കുന്നത് പഴയ ദൃശ്യങ്ങളാണ്

അഫ്ഗാൻ സൈന്യം പിടികൂടിയ പാകിസ്ഥാൻ പട്ടാളക്കാരൻ കരയുകയും യാചിക്കുകയും ചെയ്യുന്ന ദൃശ്യം എന്ന തരത്തിൽ ഒരു വീഡിയോ സമൂഹ മാധ്യമങ്ങളിൽ പ്രചരിപ്പിക്കുന്നുണ്ട്.

പക്ഷെ ഞങ്ങൾ ഈ പ്രചരണത്തെ കുറിച്ച് അന്വേഷണം നടത്തിയപ്പോൾ ഈ പ്രചരണം തെറ്റാണെന്ന് കണ്ടെത്തി. എന്താണ് ഈ പ്രചരണത്തിൻ്റെ യാഥാർഥ്യം നമുക്ക് നോക്കാം.

പ്രചരണം

Facebook

Archived Link

മുകളിൽ നൽകിയ പോസ്റ്റിൽ നമുക്ക് ഒരു വീഡിയോ കാണാം. വീഡിയോയിൽ ഒരു പാക് സൈനികൻ കരയുന്നതും മോചനത്തിന് യാചിക്കുന്നതായി  കാണാം. വീഡിയോയിൽ കേൾക്കുന്ന സംഭാഷണം പറയുന്നത് ഇങ്ങനെയാണ്: “#പാക് #സൈനികൻ : ഞാൻ പൊക്കോട്ടെ.?

#താലിബാൻ പോരാളി : 1 മുതൽ 10 വരെ എണ്ണിയാൽ വിടാം.!🤣

അഫ്ഗാൻ #സൈന്യം പിടികൂടിയ പാകിസ്ഥാൻ #പട്ടാളക്കാരൻ കരയുകയും #യാചിക്കുകയും ചെയ്യുന്ന ദൃശ്യം.! ” 

എന്നാൽ എന്താണ് ഈ പ്രചരണത്തിൻ്റെ സത്യാവസ്ഥ നമുക്ക് നോക്കാം. 

വസ്തുത അന്വേഷണം

ഞങ്ങൾ ഗൂഗിളിൽ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോൾ ഞങ്ങൾക്ക് ഈ വീഡിയോ Xൽ കണ്ടെത്തി. ഈ വീഡിയോ 2 ജനുവരി 2025ന് ഒരു യുസർ Xൽ പോസ്റ്റ് ചെയ്തത്.

پنجابی عسکر تر نیولو وروسته دغسې ژاړې. pic.twitter.com/8maxgR8dpp

— Mohammad Sharifi (@Mohamma61363694) January 2, 2025

Archived 

പോസ്റ്റിൻ്റെ അടിക്കുറിപ്പ് പ്രകാരം വിഡിയോയിൽ കാണുന്നത് ഒരു പാകിസ്ഥാനി സൈനികനാണ് അഫ്ഘാൻ താലിബാൻ പോരാളികൾ ഇയാളെ പിടിച്ചപ്പോൾ ഇയാൾ കരയാൻ തുടങ്ങി. Xൽ ബിജെപി അനുയായി ജിതേന്ദ്ര പ്രതാപ് സിങ് ഈ വീഡിയോ പങ്ക് വെച്ചിരുന്നു. 2 ജനുവരി 2025ന് പോസ്റ്റ് ചെയ്ത അദ്ദേഹത്തിൻ്റെ പോസ്റ്റ് പ്രകാരം അഫ്ഘാൻ പാക്കിസ്ഥാൻ അതിർത്തിയിലെ തോർഖാമിൻ്റെ അടുത് അഫ്ഘാൻ താലിബാൻ ഒരു പാക് സൈന്യ ചാരനെ പിടികൂടി. ചോദ്യം ചെയ്യലിൻ്റെ ഇടയിൽ ഇയാൾ കരയാൻ തുടങ്ങി. 

तालिबान सैनिकों ने पाकिस्तान के केपीके प्रांत के ताैरखाम बॉर्डर से घुसपैठ करके अफगानिस्तान में आए पाकिस्तानी सेना की खुफिया विभाग के एक सैनिक को पकड़ लिया

इंट्रोगेशन के दौरान देखीये वह किस तरह से रोने लगा बिलखने लगा और सारी सच्चाई बता दिया

सच्चाई यही है पाकिस्तान की सेना… pic.twitter.com/YxR3VrTvNh

— 🇮🇳Jitendra pratap singh🇮🇳 (@jpsin1) January 2, 2025

Archived 

ഈ സംഭവത്തെ കുറിച്ചുള്ള വ്യക്തമായ വാർത്തയോ വിവരങ്ങളോ ഞങ്ങൾക്ക് ലഭിച്ചില്ല. ഈ സംഭവം എപ്പോഴാണ് നടന്നത് എവിടെയാണ് നടന്നത് എന്ന് വ്യക്തമല്ല. പക്ഷെ 12 ഒക്ടോബർ മുതൽ തുടങ്ങിയ പാക്കിസ്ഥാൻ അഫ്ഘാനിസ്ഥാൻ തമ്മിലുള്ള സംഘർഷവുമായി ഈ ദൃശ്യങ്ങൾക്ക് യാതൊരു ബന്ധവുമില്ല. 

നിഗമനം

അഫ്ഗാൻ സൈന്യം പിടികൂടിയ പാകിസ്ഥാൻ പട്ടാളക്കാരൻ കരയുകയും യാചിക്കുകയും ചെയ്യുന്ന ദൃശ്യം എന്ന തരത്തിൽ പ്രചരിപ്പിക്കുന്നത് 10 മാസം പഴയ ദൃശ്യങ്ങളാണ്. ഈ വീഡിയോയ്ക്ക് നിലവിൽ പാകിസ്ഥാനും അഫ്ഘാനിസ്ഥാനും തമ്മിൽ നടക്കുന്ന സംഘർഷവുമായി യാതൊരു ബന്ധവുമില്ല.         

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:

Facebook | Twitter | Instagram | Telegram | WhatsApp (9049053770)