- >>
- സാമൂഹികം
നടന് ടി.എസ്.രാജു മരണപ്പെട്ടു എന്ന് സമൂഹമാധ്യമങ്ങളില് വ്യാജ പ്രചരണം.. വസ്തുത ഇതാണ്..
വിവരണം
ഒട്ടനവധി സിനിമകളിലും സീരിയലുകളിലും അഭിനയിച്ച മുതിര്ന്ന നടനായ ടി.എസ്.രാജു അന്തരിച്ചു എന്ന വാര്ത്തയാണ് സമൂഹമാധ്യമങ്ങളില് വ്യാപകമായി പ്രചരിച്ചത്. നിരവധി മലയാളം സിനിമ താരങ്ങളും അനുശോചനം രേഖപ്പെടുത്തിയും മറ്റും പോസ്റ്റുകള് അവരുടെ പ്രൊഫൈലുകളില് പങ്കുവെച്ചു. അഡൂര് ന്യൂസ് എന്ന ഫെയ്സ്ബുക്ക് പേജില് നിന്നും പങ്കുവെച്ച ഇതെ പോസ്റ്റിന് നിലവില് നിരവധി ഷെയറുകളും ലൈക്കുകളും ലഭിച്ചിട്ടുണ്ട്-
എന്നാല് യഥാര്ത്ഥത്തില് നടന് ടി.എസ്.രാജു അന്തരിച്ചു എന്ന പ്രചരണം വസ്തുതാപരമാണോ? എന്താണ് പ്രചരണത്തിന് പിന്നിലെ യാഥാര്ത്ഥ്യം എന്ന് പരിശോധിക്കാം.
വസ്തുത ഇതാണ്
സമൂഹമാധ്യമങ്ങളില് വ്യാപകമായി നടന് ടി.എസ്.രാജു മരിച്ചു എന്ന വാര്ത്ത പ്രചരിച്ചതിന് പിന്നാലെ നടന് രാജു തന്നെ നേരിട്ട് രംഗത്ത് വന്ന് താന് മരിച്ചിട്ടില്ലായെന്നും പ്രചരിക്കുന്നത് വ്യാജ വാര്ത്തയാണെന്നും പ്രതികരണം നടത്തുകയായിരുന്നു. എല്ലാ മുഖ്യാധാര മാധ്യമങ്ങള്ക്ക് മുന്നിലുമെത്തി രാജു പ്രതികരണം നല്കി. 24 ന്യൂസ് റിപ്പോര്ട്ട് ചെയ്ത വാര്ത്തയില് താന് പൂര്ണ്ണ ആരോഗ്യവാനാണെന്നും യാതൊരു അസുഖങ്ങളും തനിക്കില്ലായെന്നും അഭിനയ രംഗത്ത് തന്നെ തുടര്ന്നുമുണ്ടാകുമെന്നും ടി.എസ്.രാജു പറഞ്ഞു.
24 ന്യൂസ് നല്കിയ വാര്ത്ത-
നടന് അജു വര്ഗീസും ടി.എസ്.രാജുവിന് അനുശോചനം രേഖപ്പെടുത്തി തന്റെ ഫെയ്സ്ബുക്ക് പേജിലൂടെ പോസ്റ്റ് പങ്കുവെച്ചിരുന്നു. പിന്നീട് വാര്ത്ത തെറ്റാണെന്ന് അറിഞ്ഞ അജു രാജുവിനെ ഫോണില് വിളിച്ച് ക്ഷമപണം നടത്തി. ഇതിന്റെ വീഡിയോയും മനോരമ ന്യൂസ് റിപ്പോര്ട്ട് ചെയ്തിട്ടുണ്ട്-
നിഗമനം
നടന് ടി.എസ്.രാജു മരിച്ചു എന്ന വാര്ത്ത പ്രചരിച്ചതിന് പിന്നാലെ അദ്ദേഹം തന്നെ നേരിട്ട് മാധ്യമങ്ങള്ക്ക് മുന്പില് വന്ന് തെറ്റായ പ്രചരണത്തെ കുറിച്ച് പ്രതികരിച്ചിട്ടുണ്ട്. അതുകൊണ്ട് തന്നെ പ്രചരിക്കുന്ന വാര്ത്ത പൂര്ണ്ണമായും വ്യാജമാണെന്ന് അനുമാനിക്കാം.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള് ലഭിക്കാനായി ഞങ്ങളുടെ Telegram ചാനല് Fact Crescendo Malayalam ഈ ലിങ്ക് ഉപയോഗിച്ച് സബ്സ്ക്രൈബ് ചെയുക.
Title:നടന് ടി.എസ്.രാജു മരണപ്പെട്ടു എന്ന് സമൂഹമാധ്യമങ്ങളില് വ്യാജ പ്രചരണം.. വസ്തുത ഇതാണ്..
Written By: Dewin CarlosResult: False
