ചിത്രം കടപ്പാട്: ഗൂഗിള്‍
മുൻ രാഷ്ട്രപതി പ്രണബ് മുഖർ ജീ എഴുതിയ പുസ്തകത്തിനെക്കുറിച്ച് വിവിധ തരം പോസ്റ്റുകൾ ഫേസ്ബുക്കിൽ പരമ്പരയായി തുടരുന്നു. . ഞങ്ങൾ ഇതിനുമുമ്പ് പ്രസിദ്ധികരിച്ച പോസ്റ്റിൽ കാഞ്ചി ശങ്കരാചാര്യർ ജയേന്ദ്ര സരസ്വതിയുടെ അറസ്റ്റിൽ സോണിയ ഗാന്ധിയുടെ പങ്കിന്റെ കുറിച്ചുള്ള വ്യാജ പ്രചരണം തെറ്റാണെന്ന് തെളിയിച്ചിരുന്നു. ലേഖനം വായിക്കാന്‍ ഇവിടെ ക്ലിക്ക് ചേയുക.
ഇതേ പരമ്പരയിലെ ഒരു പോസ്റ്റ്‌ ഫേസ്ബുക്കിൽ പ്രചരിക്കുന്നുണ്ട് . ഇതിൽ സോണിയ ഗാന്ധി ഹിന്ദുക്കളെ വെറുക്കുന്നു എന്നാണ് പറയുന്നത്. ഇതിന്റെ സത്യാവസ്ഥ നമുക്ക് പരിശോധിക്കാം.
വിവരണം
സോണിയ ഗാന്ധി ഹിന്ദുക്കൾക്കെതിരാണ്, ഹിന്ദുക്കൾ ബലാത്സംഗം ചെയ്യും , അതുപോലെ ഹിന്ദുക്കൾ ഭീകരവാദികളാണെന്ന് തെളിയിക്കാന്‍ UPA സർക്കാർ പരമാവധി ശ്രമിച്ചുഎന്നിങ്ങനെയാണ് താഴെ കൊടുത്തിട്ടുള്ള ലേഖനത്തിൽ പറയുന്നത്..
| HinduExistence.Org | Archived Link |
അതുപോലെ ഫേസ്‌ബുക്ക് പേജുകളിലൂടെ ഈ കഥ പ്രച്ചരിപ്പിക്കുകയുണ്ടായി. ഹിന്ദുത്വം വര്‍ഗീയ സ്വഭാവമുള്ളതാണെന്ന് സ്ഥാപിച്ചെടുക്കാൻ സോണിയ രാഷ്ട്രീയ നീക്കങ്ങൾ നടത്തുന്നുണ്ട്. തന്നെ പ്രസിഡന്റ് ആക്കിയതും സോണിയയ്ക്ക് ഇഷ്ടമായിരുന്നില്ല . ക്രിസ്തു മതമാറ്റ ലോബിക്കു വേണ്ടിശ്രിംഗേരി മഠാതിപതിയെ കള്ളകേസിൽ കുടുക്കിയതിന് , ഇസ്ലാം വിഭാഗങ്ങളുടെയും ക്രിസ്ത്യൻ മിഷനറിമാരുടെയും പിന്തുണയുണ്ടായിരുന്നു എന്ന് പ്രണബ് മുഖർജി അദ്ദേഹത്തിന്റെ പുസ്തകത്തിലൂടെ വെളിപെടുത്തുന്നു എന്നാണ് ഈ പോസ്റ്റുകൾ പ്രചരിപ്പിക്കുന്നത്. ഫേസ്ബുക്കിൽ പ്രചരിപ്പിക്കുന്ന പോസ്റ്റുകൾ ഇപ്രകാരം:
ഈ പറഞ്ഞ വാക്കുകളിൽ എത്രമാത്രം സത്യമുണ്ട് എന്ന് നമുക്ക് പരിശോധിക്കാം.
വസ്തുത വിശകലനം
ഞങ്ങൾ പ്രസ്തുത പുസ്തകം, “The Coalition Years”, വായിച്ചു പരിശോധിച്ചു. മുൻ രാഷ്ട്രപതി പ്രണബ് മുഖർജി UPA സർക്കാരിന്റെ കാലഘട്ടത്തിൽ എങ്ങനെയാണ് സഖ്യ സർക്കാർ രൂപികരിച്ചത് ഒപ്പം എങ്ങനെ ആ കാലഘട്ടത്തിൽ പ്രമുഖ പ്രശ്നങ്ങൾ തരണം ചെയ്തു എന്നതിന്റെയെല്ലാം വിശദാംശങ്ങൾ നൽകിട്ടുണ്ട്. ഇതിൽ സോണിയ ഗാന്ധിയെ കുറിച്ച് വളരെ ബഹുമാനത്തോടെയാണ് പരാമർശിച്ചിട്ടുള്ളത്. പുസ്തകത്തിൽ മുകളിൽ പറയുന്ന കാര്യങ്ങൾ എഴുതിയിട്ടില്ല. സോണിയ ഗാന്ധിക്കെതിരായി ഒരു പരാമർശം പോലും ഈ പുസ്തകത്തിൽ മുൻ രാഷ്ട്രപതി പ്രണബ് മുഖർജി നടത്തിയിട്ടില്ല. ഈ പ്രചരണം പൂർണമായും വ്യാജമാണ്. സോണിയ ഗാന്ധിയും പ്രണബ് മുഖർജിയും തമ്മിലുള്ള ബന്ധം ബഹുമാനം നിറഞ്ഞതായിരുന്നു.
സോണിയ ഗാന്ധിയുടെ ഒപ്പം ഈ പുസ്തകത്തിൽ ഉന്നത നേതാക്കളെക്കുറിച്ചും പരാമർശങ്ങൾ നടത്തുന്നുണ്ട്. ഇതിൽ മമത ബാനർജീ, ശരദ് പവാർ , മൻമോഹൻ സിംഗ് തുടങ്ങിയ നേതാക്കളുണ്ട്. ഇവരോടെല്ലാം തന്റെ ബന്ധം എങ്ങനെയുള്ളതായിരുന്നുവെന്ന് പ്രണബ് മുഖർജീ വിശദമാക്കുന്നുണ്ട്. ഇതിൽ ആർക്കുമെതിരെ ഒരു ആരോപണംപോലും അദ്ദേഹം നടത്തിയിട്ടില്ല. എല്ലാവരുടെയും ഗുണങ്ങളും ദോഷങ്ങളും നിഷ്‌പക്ഷമായി മുൻ രാഷ്ട്രപതി എഴുതിട്ടുണ്ട്.
നിഗമനം
ഈ വാർത്ത പൂർണമായി വ്യാജമാണ്. സോണിയ ഗാന്ധിയെ കുറിച്ച് ഇങ്ങനെയുള്ള ഒരു പരാമർശം പോലും ഈ പുസ്തകത്തില്‍ ഇല്ല എന്ന് വ്യക്തമാണ്.
Title:സോണിയാ ഗാന്ധി ഹിന്ദു മതവിശ്വാസികൾക്കെതിരാണെന്നു മുൻ രാഷ്ട്രപതി പ്രണബ് മുഖർജി പറഞ്ഞോ …?
Fact Check By: Harish NairResult: False
