പാകിസ്ഥാനിൽ ഇന്ത്യൻ സൈന്യം നടത്തിയ സൈന്യ നടപടി എന്ന തരത്തിൽ പ്രചരിപ്പിക്കുന്നത് ഗാസയിൽ നടന്ന ആക്രമണത്തിൻ്റെ പഴയ ദൃശ്യങ്ങൾ

ബുധനാഴ്ച രാവിലെ 1:44 മണിക്ക് ഇന്ത്യൻ സൈന്യം പാകിസ്ഥാനിലെ 9 ഭീകരവാദ കേന്ദ്രങ്ങളിൽ ആക്രമണം നടത്തി എന്ന് ഇന്ത്യൻ സർക്കാർ വാർത്ത കുറിപ്പ് ഇറക്കി അറിയിച്ചു. ഈ നടപടിക്ക് ഓപ്പറേഷൻ സിന്ദൂ൪ എന്ന പേരാണ് ഇന്ത്യൻ സൈന്യം നൽകിയിരിക്കുന്നത്. ഇതിന് ശേഷം സമൂഹ മാധ്യമങ്ങളിൽ ഈ സൈന്യ നടപടിയുടെ പല ദൃശ്യങ്ങൾ പ്രചരിപ്പിക്കാൻ തുടങ്ങി. ഇത്തരത്തിൽ ഒരു വീഡിയോ പാകിസ്ഥാനിൽ ഇന്ത്യൻ സൈന്യം നടത്തിയ സൈനിക നടപടി എന്ന തരത്തിൽ ഒരു വീഡിയോ സമൂഹ മാധ്യമങ്ങളിൽ പ്രചരിപ്പിക്കുന്നുണ്ട്.

പക്ഷെ ഈ വീഡിയോയെ കുറിച്ച് ഞങ്ങൾ അന്വേഷിച്ചപ്പോൾ ഈ വീഡിയോ പഴയതാണെന്ന് കണ്ടെത്തി. എന്താണ് ഈ വീഡിയോയുടെ   സത്യാവസ്ഥ നമുക്ക് നോക്കാം.

പ്രചരണം

Facebook

Archived Link

മുകളിൽ നൽകിയ പോസ്റ്റിൽ നമുക്ക് ഒരു വീഡിയോ കാണാം. വീഡിയോയിൽ ഒരു വലിയ സ്‌ഫോടനത്തിന് ശേഷം ജനങ്ങൾ ഓടി രക്ഷപ്പെടുന്ന ദൃശ്യം നമുക്ക് കാണാം. പോസ്റ്റിൻ്റെ അടിക്കുറിപ്പ് ഇപ്രകാരമാണ്: “പൂരം കൊടിയേറി അടിക്ക് തിരിച്ചടി..

ഇന്ത്യൻ ആർമി.. ” 

പോസ്റ്റിൻ്റെ അടിക്കുറിപ്പ് പ്രകാരം ഈ ദൃശ്യങ്ങൾ ഇന്ത്യൻ സൈന്യത്തിൻ്റെ നടപടിക്ക് ശേഷം പാക്കിസ്ഥാനിൻ്റെ അവസ്ഥയാണിത്. എന്നാൽ എന്താണ് ഈ വീഡിയോയുടെ സത്യാവസ്ഥ നമുക്ക് നോക്കാം. 

വസ്തുത അന്വേഷണം

വീഡിയോ സൂക്ഷമമായി പരിശോധിച്ചപ്പോൾ ഞങ്ങൾക്ക് വീഡിയോയിൽ അറബിയിൽ സ്ഥലത്തിൻ്റെ പേര് എഴുതിയതായി കണ്ടെത്തി. ഈ പേര് ഞങ്ങൾ ഗൂഗിൾ ട്രാൻസ്ലേറ്റ് ഉപയോഗിച്ച് തർജ്ജമ നടത്തിയപ്പോൾ കുറച്ച് മുൻപ് ഇന്തോനേഷ്യൻ ആശുപത്രിയിൽ ( المستشفى الإندونيسي – قبل قليل) എന്നാണ് അറബിയിൽ എഴുതിയത് എന്ന് മനസിലായി കൂടാതെ വീഡിയോയിൽ അൽ ജസീറയുടെ ലോഗോയും നമുക്ക് കാണാം.

ഈ ഊഹം വെച്ച് ഞങ്ങൾ ഓൺലൈൻ തെരെഞ്ഞപ്പോൾ ഞങ്ങൾക്ക് അൽ ജസീറ പ്രസിദ്ധികരിച്ച യഥാർത്ഥ വീഡിയോ ലഭിച്ചു. 

അൽ ജസീറ ഇംഗ്ലീഷ് അവരുടെ യുട്യൂബ് ചാനലിൽ 9 നവംബ൪ 2023നാണ് ഈ ദൃശ്യങ്ങൾ പ്രസിദ്ധികരിച്ചത്. അൽ ജസീറ വാർത്ത പ്രകാരം നവംബർ 2023ൽ ഗാസയിലെ ഇന്തോനേഷ്യൻ ആശുപത്രിയിൽ ഇസ്രായേൽ വ്യോമാക്രമണം നടത്തിയിരുന്നു. ഈ ആക്രമണത്തിൻ്റെ ദൃശ്യങ്ങളാണ് നാം വീഡിയോയിൽ കാണുന്നത്.

കുദ്സ് ന്യൂസ് നെറ്റ്‌വർക്ക് എന്ന X അക്കൗണ്ടും ഈ വീഡിയോ 9 നവംബർ 2023ന് പോസ്റ്റ് ചെയ്തതായി ഞങ്ങൾ കണ്ടെത്തി. പോസ്റ്റ് പ്രകാരം ഇന്തോനേഷ്യൻ ആശുപത്രിയുടെ ചുറ്റുവട്ടത്തിൽ ഇസ്രായേൽ വ്യോമാക്രമണം നടത്തി. ഈ ആക്രമണത്തിൽ നിരവധി പേര് മരിച്ചു. നിരവധി പേർക്ക് പരിക്കേറ്റു. ഇതിൽ കൂടുതൽ കുട്ടികളാണെന്ന് പോസ്റ്റിൽ പറയുന്നു.

Scenes documenting the violent bombing by the Israeli occupation that targeted the vicinity of the Indonesian Hospital in the northern #Gaza Strip. Several deaths and injuries have been reported, most of whom are children. pic.twitter.com/U0B7mWFLMX

— Quds News Network (@QudsNen) November 9, 2023

Archived Link

നിഗമനം

പാകിസ്ഥാനിൽ ഇന്ത്യൻ സൈന്യം ആക്രമണം നടത്തുന്ന ദൃശ്യങ്ങൾ എന്ന തരത്തിൽ പ്രചരിപ്പിക്കുന്ന വീഡിയോ നവംബർ 2023ൽ ഗാസയിൽ നടന്ന ആക്രമണത്തിൻ്റെതാണെന്ന് അന്വേഷണത്തിൽ നിന്ന് വ്യക്തമാകുന്നു.  

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ WhatsApp ചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക.

ഞങ്ങളെ സോഷ്യല്‍ മീഡിയയില്‍ ഫോളോ ചെയ്യുക:

Facebook | Twitter | Instagram | Telegram | WhatsApp (9049053770)