മെട്രോ സ്റ്റേഷനില്‍ വച്ച് വിവാഹനിശ്ചയം..? വീഡിയോ സ്ക്രിപ്റ്റഡ് ആണ്….

നഗരത്തിലെ മെട്രോ റെയില്‍വേ സ്റ്റേഷനിൽ യുവാവിന്‍റെയും യുവതിയുടെയും വിവാഹനിശ്ചയം നടത്തുന്ന വീഡിയോ വൈറലായി പ്രചരിക്കുന്നുണ്ട്. 

പ്രചരണം 

യുവാവും യുവതിയും പ്ലാറ്റ്‌ഫോമിലെ ബെഞ്ചിൽ ഇരിക്കുമ്പോള്‍  ഹിന്ദു ആചാര പ്രകാരമുള്ള വിവാഹനിശ്ചയ ചടങ്ങുകള്‍ വരന്‍റെ അമ്മ മുന്‍കൈ എടുത്തു നടത്തുന്ന ദൃശ്യങ്ങളാണ് കാണുന്നത്. സ്ത്രീ യുവാവിന്റെ അമ്മയാണെന്നും മെട്രോ സ്റ്റേഷനിൽ വെച്ച് അയാൾ തന്റെ കാമുകിയെ കണ്ടുമുട്ടുന്നത് അവർ കണ്ടെത്തിയെന്നും സൂചിപ്പിച്ച് ഒപ്പമുള്ള വിവരണം ഇങ്ങനെ:  മെട്രോ സ്റ്റേഷനിൽ മകനും കാമുകിയും സൊറ പറഞ്ഞിരിക്കുന്നത് കണ്ട അമ്മ, മധുരം വാങ്ങിയെത്തി ഇരുവർക്കും നൽകി വിവാഹ നിശ്ചയമങ്ങ് നടത്തി അന്തം വിട്ട് യുവമിഥുനങ്ങൾ, പെണ്കുട്ടിയുടെ അച്ഛന് അയക്കാൻ ചടങ്ങിന്റെ വീഡിയോയും എടുപ്പിച്ചു

എന്നാല്‍ വീഡിയോ സ്ക്രിപ്റ്റഡ് ആണെന്നും യഥാര്‍ത്ഥ സംഭവമല്ലെന്നും അന്വേഷണത്തില്‍ ഞങ്ങള്‍ കണ്ടെത്തി. 

വസ്തുത ഇതാണ് 

ഞങ്ങള്‍ വീഡിയോ കീ ഫ്രെയിമുകളുടെ റിവേഴ്‌സ് ഇമേജ് അന്വേഷണം നടത്തി നോക്കിയപ്പോള്‍ 2026 ഫെബ്രുവരി 5-ന് Chalte_Phirte098 എന്ന ഇൻസ്റ്റാഗ്രാം പേജില്‍ പങ്കുവച്ച സമാന വീഡിയോ ലഭിച്ചു. 

കണ്ടന്‍റ് ക്രിയേറ്റർ ആണെന്ന് പേജ് ഓതര്‍ വ്യക്തമാക്കിയിട്ടുണ്ട്. വീഡിയോയ്‌ക്കൊപ്പം “മെട്രോ സ്റ്റേഷൻ പാർ ഹുവാ മേരാ റോക്ക” എന്ന അടിക്കുറിപ്പും നല്‍കിയിട്ടുണ്ട്.

വീണ്ടും തിരഞ്ഞപ്പോള്‍  വൈറൽ വീഡിയോയുടെ ദൈര്‍ഘ്യമുള്ള പതിപ്പ് 2026 ഫെബ്രുവരി 5 ന് ഇവരുടെ തന്നെ യൂട്യൂബ് ചാനലിൽ അപ്‌ലോഡ് ചെയ്‌തതായി കണ്ടു. സിദ്ധാർത്ഥ്, ദീക്ഷ എന്നീ യുവ ദമ്പതികളുടെ കഥയായിട്ടാണ് ചിത്രീകരിച്ചിരിക്കുന്നത്. ദൃശ്യങ്ങളിൽ, സിദ്ധാർത്ഥിന്‍റെ കുടുംബാംഗങ്ങൾ ദീക്ഷയുമായുള്ള വിവാഹം നടത്താന്‍ ഒരുങ്ങുകയാണ്. തുടർന്ന് അവർ മെട്രോ സ്റ്റേഷനിൽ പെൺകുട്ടിയെ കാത്തിരിക്കുന്നു. നീണ്ട കാത്തിരിപ്പിന് ശേഷം, പെൺകുട്ടി വന്നെങ്കിലും അവരെ വീട്ടിലേക്ക് കൊണ്ടുപോകാൻ വിസമ്മതിക്കുന്നു. അച്ഛൻ വ്യത്യസ്ത ജാതി വിവാഹങ്ങൾക്ക് എതിരാണെന്ന് അവൾ വിശദീകരിക്കുന്നു. ഇതിനുശേഷം, പെൺകുട്ടി ഫോണിൽ അവളുടെ പിതാവിനോട് സംസാരിക്കുന്നു, പക്ഷേ അവളുടെ പിതാവ് അവളെ ശ്രദ്ധിക്കാൻ വിസമ്മതിക്കുന്നു. തുടർന്ന് ആൺകുട്ടിയുടെ അമ്മായി അവരുടെ വിവാഹനിശ്ചയം ഉറപ്പിക്കാൻ ഒരു മെട്രോ സ്റ്റേഷനിൽ ഒരു ചെറിയ ചടങ്ങ് നടത്തുന്നു. അതിനിടയിൽ, മുഴുവൻ സംഭവവും ചിത്രീകരിച്ച വ്യക്തിയോട് അത് ശരിയായി റെക്കോർഡുചെയ്‌ത് പിതാവിന് അയയ്ക്കാൻ അവൾ പറയുന്നു.

കൂടുതൽ സ്ഥിരീകരണത്തിനായി ഞങ്ങൾ ആരൻ മാവിയുമായി  ബന്ധപ്പെട്ടു, മറ്റുള്ളവർ തന്നോട് പങ്കിട്ട യഥാർത്ഥ കഥകളിൽ നിന്നാണ് താൻ പ്രചോദനം ഉൾക്കൊണ്ടതെന്ന് അദ്ദേഹം വിശദീകരിച്ചു. പങ്കിട്ട ആ അനുഭവങ്ങളിൽ ഒന്നിനെ അടിസ്ഥാനമാക്കിയാണ് ഈ പ്രത്യേക വീഡിയോ സൃഷ്ടിച്ചത് എന്നും അദ്ദേഹം വ്യക്തമാക്കി.

യുവാവിന്‍റെയും യുവതിയുടെയും വിവാഹനിശ്ചയം മെട്രോ സ്റ്റേഷനിൽ നടത്തുന്നതായി കാണിക്കുന്ന സ്ക്രിപ്റ്റഡ് വീഡിയോ യഥാർത്ഥ സംഭവമാണെന്ന തരത്തില്‍ പ്രചരിപ്പിക്കുകയാണ്. 

നിഗമനം 

യുവാവിന്‍റെയും യുവതിയുടെയും വിവാഹനിശ്ചയം മെട്രോ സ്റ്റേഷനിൽ നടത്തുന്നതായി കാണിക്കുന്ന വീഡിയോ ഒരു യഥാർത്ഥ സംഭവമല്ല, സ്ക്രിപ്റ്റഡ് ആണ്. കണ്ടന്‍റ് സ്രഷ്ടാവായ ആരവ് മാവി ചെയ്ത സ്ക്രിപ്റ്റഡ് വീഡിയോയാണിത്.

ഞങ്ങളുടെ WhatsAppചാനല്‍ Fact Crescendo Malayalam ഈ ലിങ്ക് ഉപയോഗിച്ച് ഫോളോ ചെയുക. വ്യാജ വാര്‍ത്തയ്ക്കെതിരെയുള്ള പോരാട്ടത്തില്‍ ഞങ്ങളോടൊപ്പം ചേരൂ: 

Facebook | Twitter | Instagram | WhatsApp (9049053770)

Title:മെട്രോ സ്റ്റേഷനില്‍ വച്ച് വിവാഹനിശ്ചയം..? വീഡിയോ സ്ക്രിപ്റ്റഡ് ആണ്….

Fact Check By: Vasuki S  

Result: Misleading