സദാചാര വിരുദ്ധത ആരോപിച്ച് സന്യാസിയുടെ നേരെ ‘മോറല്‍ പോലീസിങ്’ നടത്തുന്ന ദൃശ്യങ്ങള്‍ ശ്രിലങ്കയിലെതാണ്… ഇന്ത്യയിലെതല്ല…

രണ്ട് സ്ത്രീകളുമൊത്ത് ഹോട്ടൽ മുറിയിൽ പിടിക്കപ്പെട്ട ഒരാളുടെ വീഡിയോ സാമൂഹ്യ മാധ്യമങ്ങളില്‍ വൈറലാകുന്നുണ്ട്. വീഡിയോയിൽ, ഒരു അർദ്ധനഗ്നനായ പുരുഷനെയും ഏതാണ്ട് നഗ്നരായ രണ്ട് സ്ത്രീകളെയും ആളുകൾ ക്യാമറയിൽ പകര്‍ത്തുന്നതും ചോദ്യം ചെയ്യുന്നതും കാണാം. ഇതേ ദൃശ്യങ്ങള്‍ക്കൊപ്പം എയാല്‍ ആത്മീയ പ്രഭാഷണം നടത്തുന്നതും ഇന്ത്യയെ പ്രകീര്‍ത്തിച്ച് സംസാരിക്കുന്നതും കാണാം. ആര്‍‌എസ്‌എസ് നേതാവാണ് ഇതെന്നും അസന്മാര്‍ഗിക പ്രവൃത്തിക്ക് ഇയാളെ പിടികൂടിയെന്നും അവകാശപ്പെട്ട് ഒപ്പമുള്ള അടിക്കുറിപ്പ് ഇങ്ങനെ: " *ആർ എസ് എസ് ചെറ്റയെ കൈയോടെ പിടിച്ചിട്ടുണ്ട് പുറത്ത് സ്വാമിയും

അകത്തു വ്യഭിചാരവും*👆👆👆”

FB post

archived link

എന്നാല്‍ തെറ്റായ പ്രചരണമാണിതെന്നും ദൃശ്യങ്ങള്‍ ശ്രീലങ്കയില്‍ നിന്നുള്ളതാണെന്നും അന്വേഷണത്തില്‍ ഞങ്ങള്‍ കണ്ടെത്തി.

വസ്തുത ഇങ്ങനെ

പ്രചരണത്തിന്‍റെ സത്യാവസ്ഥ അറിയാനായി ആദ്യം ഞങ്ങൾ വ്യത്യസ്ത കീവേഡുകൾ ഉപയോഗിച്ച് ഗൂഗിളിൽ തിരഞ്ഞപ്പോള്‍ ഞങ്ങൾക്ക് ധാരാളം ഫലങ്ങൾ ലഭിച്ചു. അവയില്‍ നിന്ന് ശ്രീലങ്കയുടെ ഔദ്യോഗിക ഭാഷയായ സിംഹളയിൽ, ഞങ്ങൾക്ക് നിരവധി ഫേസ്ബുക്ക് പോസ്റ്റുകൾ ലഭിച്ചു. വീഡിയോ ശ്രീലങ്കയുമായി ബന്ധപ്പെട്ടതോ ബന്ധപ്പെട്ടതോ ആയിരിക്കാമെന്ന് ഇത് സൂചിപ്പിക്കുന്നു.

ഈ സൂചനയുടെ അടിസ്ഥാനത്തിൽ തിരഞ്ഞപ്പോൾ, ജൂലൈ 8 ല്‍ യുകെ ഡെയിലി മിറര്‍ പ്രസിദ്ധീകരിച്ച ഒരു റിപ്പോർട്ട് ഞങ്ങൾക്ക് ലഭിച്ചു.

വാര്‍ത്താ പ്രകാരം : “ഈ വീഡിയോ ശ്രീലങ്കയിലെ നവാഗമുവയിലെ ബൊമിരിയ രസാപാന ഏരിയയിൽ നിന്നുള്ളതാണ്. നവാഗമുവയിലെ രസാപാനയിലെ ബൊമിരിയയിൽ വീട്ടിനുള്ളിൽ കയറി പല്ലേഗമ സുമന തേറയെയും രണ്ട് സ്ത്രീകളെയും ആക്രമിച്ച കേസിൽ എട്ട് പേരെ നവാഗമുവ പോലീസ് ഇന്ന് അറസ്റ്റ് ചെയ്തു.

ഇയാളുമായി ബന്ധമുള്ള ഒരു സ്ത്രീയും മകളും ഒരു വീട്ടിനുള്ളിൽ താമസിക്കുമ്പോൾ ബലം പ്രയോഗിച്ച് വീട്ടിനുള്ളില്‍ കടന്ന ഒരു സംഘം യുവാക്കൾ മർദ്ദിച്ചുവെന്ന സന്യാസിയുടെ പരാതിയെ തുടർന്ന് കഴിഞ്ഞ ദിവസം നാല് പേരെ അറസ്റ്റ് ചെയ്ത് പോലീസ് ജാമ്യത്തിൽ വിട്ടയച്ചിരുന്നു. വീട്ടിലെ ഫർണിച്ചറുകൾക്ക് കേടുപാടുകൾ വരുത്തി. ഇന്ന് അറസ്റ്റിലായ എട്ട് പ്രതികളെയും കടുവേല മജിസ്‌ട്രേറ്റ് കോടതിയിൽ ഹാജരാക്കും.

നിയമം കൈയിലെടുക്കുകയും സന്യാസിയേയും രണ്ട് സ്ത്രീകളേയും ആക്രമിക്കുകയും ചെയ്ത പ്രതികളെ പിടികൂടി നിയമം നടപ്പാക്കാൻ പൊതുസുരക്ഷാ മന്ത്രി തിരാൻ അല്ലെസ് പശ്ചിമ പ്രവിശ്യ ഡിഐജി ദേശബന്ധു തെന്നക്കോണിനോടും നവഗാമുവ ഒഐസിയോടും ഉത്തരവിട്ടിരുന്നു. "

ന്യൂസ്‌വെയറും ശ്രീലങ്ക മിററും ഉൾപ്പെടെയുള്ള ശ്രീലങ്കൻ മാധ്യമങ്ങൾ സംഭവത്തിന്‍റെ വിശദാംശങ്ങൾ റിപ്പോർട്ട് ചെയ്തിട്ടുണ്ട്. ചില സിംഹള ഭാഷയിലെ മാധ്യമങ്ങളുടെ ഓണ്‍ലൈന്‍ പതിപ്പുകളിലും ഇതു സംബന്ധിച്ച റിപ്പോർട്ടുകൾ പ്രസിദ്ധീകരിച്ചിട്ടുണ്ട്. സംഭവം ശ്രീലങ്കയില്‍ നടന്നതാണെന്ന് ഞങ്ങളുടെ ശ്രീലങ്ക ടീം സ്ഥിരീകരിച്ചിരുന്നു.

ഇന്ത്യയുമായോ ആര്‍‌എസ്‌എസ് സംഘടനയുമായോ ഈ ദൃശ്യങ്ങള്‍ക്ക് യാതൊരു ബന്ധവുമില്ല.

നിഗമനം

പോസ്റ്റിലെ വീഡിയോയുടെ ഒപ്പമുള്ള വിവരണം പൂര്‍ണ്ണമായും തെറ്റാണ്. ഈ വീഡിയോയിൽ കാണുന്നത് ഇന്ത്യയില്‍ നിന്നുള്ള ആര്‍‌എസ്‌എസ് നേതാവല്ല, ശ്രീലങ്കയിൽ നിന്നുള്ള ഒരു ബുദ്ധ സന്യാസിയാണ്. ഇന്ത്യയുമായോ ആര്‍‌എസ്‌എസുമായോ യാതൊരു ബന്ധവും ദൃശ്യങ്ങള്‍ക്കില്ല.

ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ Telegram ചാനല്‍ Fact Crescendo Malayalamഈ ലിങ്ക് ഉപയോഗിച്ച് സബ്സ്ക്രൈബ് ചെയുക.

Facebook | Twitter | Instagram | WhatsApp (9049053770)